Anushka Sharma Dress Price World Cup 2023 Final : बॉलिवूड अभिनेत्री अनुष्का शर्मा (Anushka Sharma) तिच्या सिनेमांपेक्षा अनेकदा पती विराट कोहलीमुळे (Virat Kohli) जास्त चर्चेत येते. अनुष्काने नुकतीच भारत विरुद्ध ऑस्ट्रेलिया (IND Vs Aus) या विश्वचषक सामन्याला (World Cup 2023) हजेरी लावली. या सामन्यादरम्यान अनुष्काने परिधान केलेल्या ड्रेसने सर्वांचं लक्ष वेधून घेतलं. पण या सामन्यादरम्यान अनुष्काने परिधान केलेला ड्रेस फारच स्वस्त आहे.
बॉलिवूड अभिनेत्री अनुष्का शर्मा 300 कोटींची मालकीण आहे. तसेच ती क्रिकेटर विराट कोहलीची (Virat Kohli) पत्नीदेखील आहे. पण तरीही विश्वचषक सामन्यादरम्यान तिने खूपच स्वस्त ड्रेस परिधान केला होता. तिचा हा ड्रेस चाहत्यांच्या पसंतीस उतरला. पण स्वस्त ड्रेस परिधान केल्याने नेटकऱ्यांनी मात्र तिला ट्रोल केलं.
'वर्ल्ड कप 2023'चा अंतिम सामना अहमदाबाद येथील नरेंद्र मोदी स्टेडियममध्ये भारत विरुद्ध ऑस्ट्रेलिया यांच्यात पार पडला. या सामन्यात भारताचा पराभव झाला. फायनल मॅच दरम्यान अनेक सेलिब्रिटींनी हजेरी लावली होती. विराट कोहलीची पत्नी अनुष्काही हा सामना पाहायला आली होती. त्यावेळी तिने टीम इंडियाला (Team India) पाठिंबा दिला.
अनुष्काच्या ड्रेसने वेधलं लक्ष
अनुष्का शर्माने फ्लोरल प्रिन्टचा मैक्सी ड्रेस परिधान केला होता. निळ्या आणि पांढऱ्या फ्लोरल प्रिन्ट वाल्या या ड्रेसमध्ये अनुष्का खूपच कंफर्टेबल आणि स्टाइलिश दिसत होती. साईड पॉकेट्समुळे या ड्रेसला एक वेगळाच लूक आला होता. सटल मेकअप आणि मोकळे केस ठेवत अनुष्काने आपला लूक पूर्ण केला. तसेच उन्हात तिने पांढऱ्या रंगाचा सनग्लास घातला होता.
अनुष्काच्या ड्रेसची किंमत काय? (Anushka Sharma Dress Price)
अनुष्काच्या ड्रेसची हॉल्टर नेकलाईन होती. तसेच तिच्या ड्रेसवर फुलपाखरू आणि झाडाच्या पानांची प्रिन्ट होती. अनुष्काने परिधान केलेला ड्रेस हा खूपच लोकल होता. 250-300 कोटींची मालकीण असणाऱ्या अनुष्काने फक्त 7,250 रुपयांचा ड्रेस परिधान केला होता. विराट कोहलीची पत्नी तसेच बॉलिवूडची लोकप्रिय अभिनेत्री असलेल्या अनुष्काने परिधान केलेल्या ड्रेसची किंमत कोणालाही परवडेल अशी आहे.
अनुष्का शर्माचा विराटला पाठिंबा
अनुष्का शर्मा आणि विराट कोहली यांचा एक फोटो सध्या सोशल मीडियावर व्हायरल होत आहे. फोटोमध्ये भारताच्या पराभवानंतर अनुष्का शर्मा विराटला पाठिंबा देताना दिसत आहे. अनुष्काने विराटला घट्ट मिठी मारली असून हा फोटो पाहून चाहत्यांच्याही डोळ्याच्या कडा पाणावल्या आहेत.
संबंधित बातम्या