Animal Trailer Out: अभिनेता रणबीर कपूर (Ranbir Kapoor) हा त्याच्या चाहत्यांच्या वर्षाचा शेवट धमाकेदार पद्धतीनं करणार आहे. कारण रणबीरचा अॅनिमल (Animal) हा चित्रपट रिलीज होत आहे. या चित्रपटाचा टीझर आणि या चित्रपटामधील अर्जन वेली हे गाणं काही दिवसांपूर्वी रिलीज झालं. टीझर आणि गाणं पाहिल्यानंतर रणबीरचे चाहते या चित्रपटाच्या ट्रेलरची उत्सुकतेने वाट बघत होते. आता अॅनिमल या चित्रपटाचा ट्रेलर प्रेक्षकांच्या भेटीला आला आहे.
अॅक्शन, ड्रामा आणि इमोशन्सची ट्रीट
रणबीरच्या अॅनिमल या चित्रपटामधून प्रेक्षकांना अॅक्शन, ड्रामा आणि इमोशन्सची ट्रीट मिळणार आहे,असा अंदाज अॅनिमल या चित्रपटाचा ट्रेलर पाहिल्यानंतर लावला जाऊ शकतो. ट्रेलरची सुरुवात अनिल कपूर आणि रणबीर कपूर यांच्या एका सीननं होते. या सीनमध्ये रणबीर आणि अनिल यांचा जबरदस्त अभिनय बघायला मिळत आहे. ट्रेलरमध्ये दिसत आहे की अनिल कपूर हे रणबीरचे वडिल आहेत आणि वडिलांसाठी रणबीर काहीही करायला तयार असतो.
बॉबीच्या खतरनाक लूकनं वेधलं लक्ष
अॅनिमल या चित्रपटाच्या ट्रेलरमध्ये बॉबी देओलची झलक अवघ्या काही सेकंद दिसते. पण ट्रेलरमधील बॉबीच्या लूकनं अनेकांचे लक्ष वेधले आहे. अॅनिमल चित्रपटाच्या ट्रेलरमध्ये बॉबी आणि रणबीर यांच्यामधील फायटिंगचा सीन देखील आहे.
रश्मिकाचा जबरदस्त अभिनय
अॅनिमल चित्रपटाचा ट्रेलरमध्ये रश्मिका मंदानाचा जबरदस्त अभिनय बघायला मिळत आहे. अॅनिमल या चित्रपटात रश्मिकानं रणबीरच्या पत्नीची भूमिका साकारली आहे. रश्मिकाच्या ट्रेलरमधील डायलॉग्सनं देखील अनेकांचे लक्ष वेधले आहे.
पाहा ट्रेलर:
अॅनिमलला सेन्सॉरकडून 'A' सर्टिफिकेट
'अॅनिमल' या चित्रपटाचे दिग्दर्शक संदीप रेड्डी वंगा यांनी इंस्टाग्रामवर पोस्ट करून माहिती दिली आहे की, 'अॅनिमल' या चित्रपटाला सेन्सॉरकडून म्हणजेच सीबीएफसीकडून 'ए' प्रमाणपत्र मिळालं आहे. यासोबतच त्यांनी माहिती दिली आहे की, हा चित्रपट 3 तास 23 मिनिटे 21 सेकंदांचा आहे.
कधी रिलीज होणार चित्रपट?
अॅनिमल हा चित्रपट 1 डिसेंबर रोजी रिलीज होणार आहे. रणबीर, रश्मिका, अनिल कपूर आणि बॉबी देओल यांचे चाहते या चित्रपटाची उत्सुकतेने वाट बघत आहेत.
वाचा इतर महत्वाच्या बातम्या: