IMDb List Of Most Popular Indian Stars: 2023 हे वर्ष संपायला काही दिवस बाकी राहिले आहेत. 2023 या वर्षात अनेक चित्रपट प्रेक्षकांच्या भेटीला आले. या वर्षी रिलीज झालेल्या काही ब्लॉकबस्टर चित्रपटांनी बॉक्स ऑफिसवर रेकॉर्ड ब्रेक कमाई केली. या चित्रपटांमधील कलाकारांच्या अभिनयाचं देखील अनेकांनी कौतुक केलं. अशातच आता IMDb नं 2023 मधील सर्वाधित लोकप्रिय भारतीय कलाकारांची यादी (IMDb List Of Most Popular Indian Stars) जाहीर केली आहे. पाहूयात 2023 ची ही संपूर्ण यादी-
2023 मधील सर्वाधित लोकप्रिय भारतीय कलाकारांची यादी IMDb नं जाहीर केली आहे. या यादीत बॉलिवूडसोबत साऊथ चित्रपटसृष्टीतील कलाकारांच्या नावांचा देखील समावेश आहे.
शाहरुखनं पटकावला पहिला क्रमांक-
IMDb नं जाहीर केलेल्या 2023 मधील सर्वाधित लोकप्रिय कलाकारांच्या यादीत शाहरुख खान पहिल्या क्रमांकावर आहे. शाहरुखचे 2023 मध्ये पठाण आणि जवान दोन चित्रपट रिलीज झाले. तसेच वर्षाच्या शेवटी म्हणजेच डिसेंबर महिन्यात शाहरुखचा डंकी हा चित्रपट रिलीज होणार आहे.
पाहा संपूर्ण यादी-
- शाहरुख खान (Shah Rukh Khan)
- आलिया भट्ट (Alia Bhatt)
- दीपिका पादुकोण (Deepika Padukone)
- वामिका गब्बी (Wamiqa Gabbi)
- नयनतारा (Nayanthara)
- तमन्ना भाटिया (Tamannaah Bhatia)
- करीना कपूर (Kareena Kapoor Khan)
- शोभिता धुलिपाला (Sobhita Dhulipala )
- अक्षय कुमार (Akshay Kumar)
- विजय सेतूपती (Vijay Sethupathi)
IMDb नं त्यांच्या इन्स्टाग्राम अकाऊंटवर पोस्ट शेअर करुन 2023 मधील सर्वाधित लोकप्रिय कलाकारांची यादी जाहीर केली. या पोस्टमध्ये त्यांनी लिहिलं, "IMDb साप्ताहिक रँकिंगमध्ये सातत्याने सर्वोच्च स्थानावर असलेल्या कलाकरांचा समावेश 2023 मधील सर्वाधित लोकप्रिय कलाकारांच्या यादीत आहे "
शाहरुखचा आगामी चित्रपट
IMDb च्या 2023 मधील सर्वाधित लोकप्रिय कलाकारांच्या यादीत पहिला क्रमांक पटकावणारा किंग खान आता लवकरच डंकी या चित्रपटामधून प्रेक्षकांच्या भेटीला येणार आहे. डंकी' हा चित्रपट 21 डिसेंबरला रिलीज होणार आहे. या चित्रपटात शाहरुखसोबतच विकी कौशल, बोमन ईरानी, तापसी पन्नू या कलाकारांनी देखील महत्वाची प्रमुख भूमिका साकारली आहे. या चित्रपटाचं दिग्दर्शन राजकुमार हिरानी यांनी केलं आहे.
संबंधित बातम्या: