Aishwarya Rai At Jalsa: मागील अनेक दिवसांपासून ऐश्वर्या राय बच्चन (Aishwarya Rai Bachchan) आणि अभिषेक बच्चन (Abhishek Bachchan) यांच्यामध्ये काहीतरी बिनसलं असल्याच्या चर्चा मागील अनेक दिवसांपासून सुरु होत्या. त्यातच दोघे घटस्फोट घेणार असल्याचं म्हटलं जात होतं. यासगळ्यादरम्यान आता ऐश्वर्या राय जलसामध्ये तिच्या सासरच्या घरी म्हणजेच अमिताभ बच्चन यांच्या घरी पोहोचली. तिच्यासोबत यावेळी
ऐश्वर्या राय तिच्या कारमधून जलसा येथे पोहोचली होती. यावेळी ती हिरव्या रंगाच्या आउटफिटमध्ये दिसली. मोकळे केस आणि सनग्लासेसमध्ये ही अभिनेत्री साध्या लूकमध्ये दिसली. आराध्याने पांढऱ्या टी-शर्टसोबत काळी पँट परिधान केली होती. पांढऱ्या हेअरबँडने पोनीटेल बांधलेली आराध्या खूपच गोंडस दिसत होती.
दुबई विमानतळावर ऐश्वर्या-अभिषेक एकत्र दिसले
यापूर्वी दुबई विमानतळावर ऐश्वर्या राय आणि आराध्या बच्चन अभिषेक बच्चनसोबत दिसल्या होत्या. त्यांचा एक व्हिडिओ समोर आला होता ज्यामध्ये ते तिघेही बसमध्ये चढताना दिसत होते. व्हिडिओमध्ये आधी अभिषेक आणि नंतर ऐश्वर्या आणि आराध्याही त्याच्या मागे चालताना दिसत आहेत. घटस्फोटाच्या अफवांदरम्यान या जोडप्याला एकत्र पाहून त्यांच्या वैवाहिक जीवनात सर्व काही ठीक चालले आहे असा अंदाज आता चाहत्यांना आहे.
ऐश्वर्या-अभिषेक अनेक प्रसंगात दिसले वेगळे
अनेक वेळा ऐश्वर्या राय अभिषेक बच्चनपासून वेगळी दिसली. अनंत अंबानींच्या लग्नात ती आणि अभिषेक स्वतंत्रपणे पोहोचले होते. ऐश्वर्याने आपल्या मुलीसोबत लग्नाला हजेरी लावली होती, तर अभिषेक आपल्या कुटुंबासह या कार्यक्रमाला उपस्थित होता. अशा स्थितीत या जोडप्याच्या घटस्फोटाच्या अफवांनी आणखी जोर पकडला होता. पण आता दोघांना एकत्र बघून दोघांमध्ये सर्व काही ठीक असल्याचं दिसत आहे. ऐश्वर्या रायने 2007 मध्ये अभिषेक बच्चनशी लग्न केले. लग्नाच्या चार वर्षानंतर म्हणजेच 2011 मध्ये त्यांनी त्यांची मुलगी आराध्याचे स्वागत केले.