Sushmita Sen : बॉलिवूड अभिनेत्री सुष्मिता सेन (Sushmita Sen) सध्या काहीना काही कारणांमुळे चर्चेत असते. व्यावसायिक ललित मोदी (Lalit Modi) यांनी सुष्मितासोबतचे नाते जाहीर केल्यामुळे अभिनेत्री सध्या प्रचंड चर्चेत आहे. या आधी आपल्यापेक्षा कमी वयाच्या मुलाला डेट करत असल्यामुळे सुष्मिता चर्चेत होती. काही काळापूर्वी अभिनेत्री सुष्मिता सेन रोहमन शॉल (Rohman Shawl) नावाच्या एका मॉडेलला डेट करत होती. मात्र, नुकताच त्यांचा ब्रेकअप झाला होता. त्यानंतर सुष्मिता ललित मोदी यांना डेट करत होती. मात्र, आता पुन्हा एकदा ती एक्स बॉयफ्रेंड रोहमनसोबत स्पॉट झाली आहे.
सुष्मिता सेनला पुन्हा एकदा रोहमन शॉलसोबत पाहून नेटकरी हैराण झाले आहेत. पुन्हा एकदा हे दोघे एकत्र स्पॉट झाल्याने अनेक चर्चांना उधाण आले आहे. दोघांचे फोटो आणि व्हिडीओ आता सोशल मीडियावर प्रचंड व्हायरल होत आहेत.
पाहा व्हिडीओ :
ललित मोदींसोबतचे नाते जाहीर केल्यानंतर सुष्मिताला खूप ट्रोलही करण्यात आले होते. मात्र, सुष्मिता देखील ट्रोल करणाऱ्यांना प्रत्युत्तर देण्यात मागे राहिली नाही. रविवारी, अभिनेत्री मुंबईतील सांताक्रूझ परिसरात तिचा एक्स बॉयफ्रेंड रोहमन शॉलसोबत दिसली. सुष्मिताचे (Sushmita Sen) रोहमनसोबत ब्रेकअप झाले असले, तरी ती अजूनही त्याची चांगली मैत्रीण आहे. यावेळी सुष्मिताची मोठी मुलगी रेने सेनही तिच्यासोबत दिसली.
फोटो अन् व्हिडीओ चर्चेत!
सुष्मिता, रोहमन आणि रेने सांताक्रूझमधील होम डेकोर बुटीकमधून बाहेर पडताना दिसले. त्यांनी पापाराझींना फोटो पोज देखील दिल्या. यावेळी सुष्मिता पर्पल कलरच्या कॅज्युअल लूकमध्ये दिसली. त्याच्या मुलीने डेनिम पँट आणि गुलाबी रंगाचा टॉप परिधान केला होता. तर, रोहमनने गुलाबी टी-शर्ट आणि राखाडी पँट परिधान केली होती. रोहमन आणि सुष्मिताच्या मुलींचे देखील एकमेकांशी खास बाँडिंग आहे.
नेटकरी म्हणतायत...
सुष्मिता (Sushmita Sen) आणि रोहमनचा (Rohman Shawl) हा व्हिडिओ समोर आल्यानंतर पुन्हा एकदा युजर्सनी ललित मोदीबद्दल कमेंट करायला सुरुवात केली. एका यूजरने लिहिले की, 'ललित भाई हे काय आहे?' दुसऱ्या एका यूजरने लिहिले, 'ये रिश्ता क्या कहलाता है?' आणखी एकाने लिहिले की, 'ललित ब्रो कुठे आहे?' तर काहींनी 'या प्रेमाला काय नाव द्यायचे?', असे कमेंटमध्ये लिहिले आहे.
नव्या रिलेशनशीपमुळे चर्चेत
अभिनेत्री सुष्मिता सेन सध्या ललित मोदींसोबत रिलेशनशिपमध्ये आहे. ललित मोदींनी नुकतेच सोशल मीडियावर जाहीर केले की, ते सुष्मिताला डेट करत आहेत. ललित यांनी त्यांच्या सोशल मीडिया पोस्टमध्ये सुष्मितासोबतचे काही फोटोही शेअर केले होते, जे मोठ्या प्रमाणात व्हायरल झाले होते.
संबंधित बातम्या