Disha Patani: अंबानी कुटुंबीयांच्या घरी गणेश चतुर्थीचा मंगळवारी (19 सप्टेंबर) मोठा उत्सव झाला. यावेळी बाप्पाच्या दर्शनासाठी अनेक बॉलिवूड सेलिब्रिटींनी अंबानी कुटुंबाच्या घरी हजेरी लावली. अनेक सेलिब्रिटींनी बाप्पाच्या दर्शनासाठी पारंपरिक लूक केला होता. अभिनेत्री दिशा पटानी (Disha Patani) देखील बाप्पाच्या दर्शनासाठी अंबानी कुटुंबीयांच्या घरी गेली होती. यावेळी दिशानं केलेल्या लूकला अनेक नेटकऱ्यांनी ट्रोल केले आहे.
सोशल मीडियावर व्हायरल झालेल्या फोटो आणि व्हिडीओमध्ये दिसत आहे की, अंबानी कुटुंबीयांच्या घरी बाप्पाच्या दर्शनासाठी आलेल्या दिशानं गोल्डन कलरची साडी आणि मोकळे केस असा लूक केला होता. दिशासोबत मौनी रॉयनं देखील गणपती बाप्पाचे दर्शन घेतलं. गणपती बाप्पाच्या दर्शनासाठी दिशानं केलेल्या लूकला नेटकऱ्यांनी ट्रोल केलं आहे.
नेटकऱ्यांच्या कमेंट्स
"गणपतीच्या दर्शनाला जाताना असे कपडे कोण परिधान करतं?" अशी कमेंट एका नेटकऱ्यानं दिशाच्या व्हायरल व्हिडीओला केली. तर दुसऱ्या युझरनं कमेंट केली, 'दिशा पटानी खूप वेडी आहे, ती पूजेसाठी आली होती की, कुठल्यातरी चित्रपटाच्या पार्टीसाठी??'
पाहा व्हिडीओ:
दिशाचे चित्रपट
दिशाचे 'क्यो फिकर करूं में' हे गाणे काही दिवसांपूर्वी प्रेक्षकांच्या भेटीस आले. दिशाच्या या गाण्याला नेटकऱ्यांची पसंती मिळाली. आता दिशा वेलकम टू द जंगल या चित्रपटामधून प्रेक्षकांच्या भेटीस येणार आहे. या चित्रपटात अक्षय कुमार, सुनील शेट्टी, अर्शद वारसी, परेश रावल, लारा दत्ता, रवीना टंडन, जॅकलिन फर्नांडिस यांच्याही भूमिका आहेत. याशिवाय कृष्णा अभिषेक, जॉनी लीव्हर, किकू शारदा यांच्यासह अनेक कलाकारांचा या चित्रपटात समावेश आहे.
दिशा पटानीने 2015 मध्ये 'लोफर' या चित्रपटाच्या माध्यमातून मनोरंजनसृष्टीत पदार्पण केलं. दिशा लवकरच 'कल्कि 2898 एडी' या सिनेमात झळकणार आहे.
चित्रपटांबरोबरच दिशा ही तिच्या वैयक्तिक आयुष्यामुळे चर्चेत असते. टायगर श्रॉफ आणि दिशा पाटनी यांच्या नात्याबाबत सोशल मीडियावर चर्चा सुरु होती. पण सध्या दिशाचे नाव एलेक्जेंडर एलिक्सिकसोबत (Aleksander Alexilic) जोडलं जात आहे.
इतर महत्वाच्या बातम्या: