Bollywood Celebs On India Winning : आज ऑस्ट्रेलियातील मेलबर्न येथे भारत आणि पाकिस्तान (India vs Pakistan) यांच्यात T20 विश्वचषक सामना खेळला गेला. या सामन्यात भारतीय संघाने चमकदार कामगिरी करत पाकिस्तानचा चार विकेट राखून पराभव केला. पाकिस्तानविरुद्धच्या विजयानंतर संपूर्ण भारतात जल्लोषाचे वातावरण आहे. त्याचबरोबर बॉलिवूड स्टार्सही यात मागे नाहीत. तेही सोशल मीडियाच्या माध्यमातून आपला आनंद व्यक्त करत आहेत आणि विजयाचा आनंद साजरा करत आहेत. या प्रसंगी कोणत्या स्टारने काय म्हटले आहे? ते पाहा.
वरुण धवनचा आनंदात गगनात मावेना
वरुण धवनने यावेळी एक खास व्हिडीओ शेअर केला आहे, ज्यामध्ये भारताने हा सामना जिंकताच वरुण आनंदाने उडी मारत असल्याचे दिसून येते. हा व्हिडीओ शेअर करत त्याने लिहिले की, "इंडिया इंडिया इंडिया. अविश्वसनीय, भारताने जिंकले... दिवाळीच्या शुभेच्छा. पाकिस्ताननेही चांगला खेळ केला. किंग कोहली किती अप्रतिम सामना आहे."
मुनव्वर फारुकी यांनेही पोस्ट लिहिली
स्टँडअप कॉमेडियन आणि लॉकअप फेम मुनव्वर फारुकी याने इंस्टाग्रामवर एका पोस्टमध्ये लिहिले की, “आज ऑस्ट्रेलियामध्ये फटाके फोडले विराट भाई. दिवाळीच्या शुभेच्छा." विशेष म्हणजे विराट कोहलीने नाबाद राहताना 82 धावांची शानदार खेळी खेळली.
कार्तिक आर्यन म्हणाला...
बॉलीवूड अभिनेता कार्तिक आर्यननेही टीम इंडियाच्या विजयानंतर त्याच्या इंस्टाग्रामवर एक पोस्ट लिहिली आहे, ज्यामध्ये तो भारतीय संघाचे विजयाबद्दल अभिनंदन करत आहे आणि कोहलीला राजा म्हणत आहे. कोर्टिकने आपल्या पोस्टमध्ये लिहिले की, 'येथे फक्त एकच राजा आहे... विराट कोहली'.
टीव्ही अभिनेता अली गोनीही भारताच्या विजयाच्या आनंदात जबरदस्त डोलताना दिसला.
असे जावेद अख्तर यांनी अभिनंदन केले
बॉलीवूडचे लेखक जावेद अख्तर यांनी विजयाचे अभिनंदन करताना लिहिले की, "विराट, तुला सात खून माफ, खूप खूप धन्यवाद, जीते रहो."
प्रीती झिंटाने 'या' गोष्टी लिहिल्या
सामन्यादरम्यान विराट कोहलीचा एक फोटो शेअर करत बॉलिवूड अभिनेत्री प्रीती झिंटाने लिहिले, "ओएमजी, हा सामना. माझे हृदय वेड्यासारखे धडधडत होते. निळ्या रंगाच्या मुलांनी किती छान विजय मिळवला. विराट कोहली तुझ्या धैर्याला आणि संपूर्ण टीमला सलाम. दिवाळीच्या शुभेच्छा ."
सुष्मिता सेननेही पोस्ट केली आहे
यावेळी सुष्मिता सेनने लिहिले की, "काय सामना आहे. विराट कोहलीला सलाम. किंचाळताना माझा आवाज गेला."
अभिषेक बच्चननेही ट्विट केले
अभिनेता अभिषेक बच्चननेही ट्विट करून लिहिले- “किंग कोहली!
भारताच्या विजयानंतर बॉलिवूडमधील आनंदाचे वातावरण स्टार्सच्या या सोशल मीडिया पोस्टवरून स्पष्टपणे दिसून आले.
महत्वाच्या बातम्या :
Anushka Sharma : आयुष्यातील सर्वोत्तम सामना पाहिला, विराटच्या जिगरबाज खेळीनंतर अनुष्काची पोस्ट