Bajrangi Bhaijaan 2: बॉलिवूडचा भाईजान सलमान खानच्या (Salman Khan) चाहत्यांसाठी एक आनंदाची बातमी आहे. सलमानचा ब्लॉकब्लास्टर चित्रपट 'बजरंगी भाईजान'चा सीक्वल लवकरच येणार आहे. या चित्रपटाबाबत स्वत: सलमान खाननं मुंबईतील (Mumbai) आरआरआर (RRR) कार्यक्रमादरम्यान घोषणा केलीय. दरम्यान, 2015 साली प्रदर्शित झालेल्या बजरंगी भाईजान चित्रपटानं बॉक्स ऑफिसवर धुमाकूळ घातला होता. यामुळं या चित्रपटाच्या सिक्वलची प्रेक्षकांना आखणी उस्तुकता लागलीय.
सलमान खाननं त्याच्या 'बजरंगी भाईजान' या हिट चित्रपटाच्या दुसऱ्या भागाची अधिकृत घोषणा केलीय. एसएस राजामौली, जेआर एनटीआर, आलिया भट्ट, राम चरण आणि करण जोहर यांच्या उपस्थितीत सलमान खाननं 'बजरंगी भाईजान'च्या नवीन सिक्वेलची घोषणा केलीय. विजयेंद्र प्रसाद यांनी सिक्वेलची पटकथा आधीच लिहिली आहे, असा खुलासाही सलमाननं केलाय. आरआरआर कार्यक्रमादरम्यान सलमान खाननं बजरंगी भाईजानच्या सिक्वेलबद्दल सांगितलं. त्यावेळी चित्रपट निर्माता करण जोहरनं ही अधिकृत घोषणा आहे का? असा प्रश्न विचारला. यावर सलमाननं हो असे उत्तर दिलं.
बजरंगी भाईजान हा चित्रपट 17 जुलै 2015 रोजी चित्रपटगृहात प्रदर्शित झाला होता. कबीर खान दिग्दर्शित बजरंगी भाईजानमध्ये सलमान खान आणि करीना कपूरसरह नवाजुद्दीन सिद्दीकी मुख्य भूमिकेत होते. याशिवाय ,बालकलाकार हर्षालीचीही चित्रपटात महत्त्वाची भूमिका होती. या चित्रपटानं भारतात 300 कोटींची कमाई केली होती.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha