Pushpa The Rule : डिसोंबर 2021 रोजी रिलीज झालेल्या ‘पुष्पा’ (Pushpa: The Rise)चित्रपटानं बॉक्स ऑफिसवर धुमाकूळ घातला. या चित्रपटामधील गाण्यांना तसेच डायलॉग्सला प्रेक्षकांची पसंती मिळाली. चित्रपटामध्ये अभिनेता अल्लू अर्जुननं (Allu Arjun) आणि अभिनेत्री रश्मिका मंदनानं (Rashmika Mandana) प्रमुख भूमिका साकारली आहे. या चित्रपटाच्या दुसऱ्या भागाची वाट प्रेक्षक उत्सुकतेने बघत आहेत. पुष्पा चित्रपटाच्या दुसऱ्या भागाचं नाव ‘पुष्पा: द रूल’(Pushpa: The Rule) असं आहे. या चित्रपटाचे दिग्दर्शक सुकुमार (Sukumar) हे चित्रपटाच्या कथानकाला फायनल टच देत आहेत.
‘पुष्पा: द रूल’ चित्रपटाचं शूटिंग डिसेंबर 2022 मध्ये सुरु होणार आहे. रिपोर्टनुसार, अभिनेता विजय सेतुपती हा पुष्पा: द रूल या चित्रपटामध्ये महत्त्वाची भूमिका साकारणार आहे. या चित्रपटात विजय सेतुपती एका वरिष्ठ पोलीस अधिकाऱ्याच्या भूमिकेत दिसणार आहे. निर्मात्यांनी अजून याबाबत कोणतीही माहिती दिलेली नाही.
पुष्पा चित्रपटाच्या पहिल्या भागामध्ये अल्लु अर्जुन, रश्मिका मंदाना, फहाद फासिल, जगदीश, अजय घोष, सुनील आणि अनसूया या कलाकारांनी प्रमुख भूमिका साकारली. आता चित्रपटाच्या दुसऱ्या भागात विजय सेतुपतीची एन्ट्री होणार असल्यानं चाहते या चित्रपटाची उत्सुकतेने वाट बघत आहेत.
पुष्पा या चित्रपटाच्या यशानंतर आता या पुष्पा द रूल पार्ट 2 हा या चित्रपटाचा दुसरा भाग लवकरच प्रेक्षकांच्या भेटीस येणार आहे. आयकॉन आणि AA21 हे अल्लू अर्जनचे आगामी चित्रपट लवकरच प्रेक्षकांच्या भेटीस येणार आहे. पुष्पा हा चित्रपट 17 डिसेंबर 2021 रोजी थिएटरमध्ये प्रदर्शित झाला होता. Amazon Prime Video या ओटीटी प्लॅटफॉर्मवर हा चित्रपट प्रेक्षक पाहू शकतात. ‘पुष्पा नाम सुनके फ्लॉवर समझे क्या फायर है में…’ या चित्रपटातील डायलॉगला प्रेक्षकांची पसंती मिळाली. या चित्रपटाच्या कथानकाला आणि कलाकारांच्या अभिनयाला प्रेक्षकांची पसंती मिळाली.
हेही वाचा: