30 Years of Akshay Kumar : प्रसिद्ध अभिनेता अक्षय कुमार (Akshay Kumar) गेली 30 वर्ष बॉलिवूड इंड्रीमध्ये काम करत आहे. अक्षय कुमारचा 'पृथ्वीराज' (Prithviraj) हा चित्रपट लवकरच प्रेक्षकांच्या भेटीस येणार आहे. यानिमित्त यश राज फिल्म्सनं पृथ्वीराज या चित्रपटाचं नवं पोस्टर लाँच केलं. हे पोस्टर खास आहे कारण या पोस्टरचं डिझाइन अक्षयच्या आत्तापर्यंतच्या चित्रपटांच्या फोटोपासून तयार करण्यात आलं आहे. यश राज प्रोडक्शन हाऊसच्या सोशल मीडिया अकाऊंटवर नुकताच एक व्हिडीओ शेअर करण्यात आला आहे. या व्हिडीओमध्ये अक्षय हा पृथ्वीराजचं नवं पोस्टर पाहताना दिसत आहे.
यश राज प्रॉडक्शन हाऊसनं शेअर केलेल्या व्हिडीओमध्ये अक्षय असं म्हणतो, 'सौगंध हा माझा चित्रपट रिलीज होऊन आज 30 वर्ष झाली आहेत. मी सर्वांचे आभार मानतो. हे माझ्यासाठी खूप खास आहे. ' पृथ्वीराज चित्रपटामध्ये एका योद्ध्याची भूमिका साकारणार आहे. रिपोर्टनुसार हा चित्रपट सम्राट पृथ्वीराज चौहान यांच्या जीवनावर आधारित असणार आहे.
पृथ्वीराज चित्रपटाचं डॉ. चंद्रप्रकाश द्विवेदी यांनी केलं आहे. त्यांनी दिग्दर्शित केलेल्या 'चाणक्य' आणि 'पिंजर' या प्रोजक्ट्सचं लोक आजही कौतुक करतात. पृथ्वीराज चित्रपटामध्ये मानुषी छिल्लर ही संयोगिता ही भूमिका साकारणार आहे. तीन जून रोजी हा चित्रपट हिंदी, तमिळ आणि तेलुगू भाषांमध्ये रिलीज होणार आहे.
संबंधित बातम्या