सोलापूर : राज्यातील विधानसभा निवडणुकांसाठी रणशिंग फुकलं असून दिवाळीच्या फटाक्यानंतरच प्रचारसभांच्या तोफा धडाडू लागल्या आहेत. विधानसभा निवडणुकांसाठी 4 नोव्हेंबरर्यंत अर्ज माघारी घेण्याची मुदत असल्याने अंतिम लढती आता निश्चित झाल्या आहेत. पश्चिम महाराष्ट्रातील राजकारणाचं केंद्रस्थान आणि मराठवाड्याचे प्रवेशद्वार असलेला सोलापूर (Solapur) जिल्हा हा साखरेचा जिल्हा म्हणून ओळखला जातो. कारण, सर्वाधिक साखर कारखाने असलेला जिल्हा म्हणून सोलापूर जिल्ह्याची महाराष्ट्राला ओळख आहे. याशिवाय, शरद पवारांच्या राष्ट्रवादी काँग्रेसचा बालेकिल्ला म्हणून या जिल्ह्याची ओळख होती. मात्र, भाजपने गत निवडणुकीत जिल्ह्यात वर्चस्व मिळवले आहे. त्यामुळे, यंदाच्या विधानसभा निवडणुकीत काय होणार, याकडे सर्वांचे लक्ष लागले आहे. सोलापूर जिल्ह्यीताल 11 विधानसभा (Vidhansabha) मतदारसंघातील लढती निश्चित झाल्या असून माढा, बार्शी, सोलापूर दक्षिण, माळशिरस, पंढरपूर आणि सांगोला मतदारसंघात चुरशीच्या लढती होत आहेत. 

लोकसभा निवडणुकानंतर येथील जिल्ह्यात अंत्यंत चुरस पाहायला मिळाली. त्यामध्ये, भाजपच्या दोन्ही विद्यमान खासदारांचा पराभव करत महाविकास आघाडीने जिल्ह्यातील माढा आणि सोलापूर या दोन्ही लोकसभा मतदारसंघात विजय मिळवला. त्यामुळे, विधानसभा निवडणुकांमध्येही मोठी रंगत आली आहे. जिल्ह्यातील 11 मतदारसंघातील निश्चित झालेल्या लढती.

सोलापूर जिल्ह्यातील 11 विधानसभा मतदारसंघातील प्रमुख लढती  

क्रमांक  विधानसभा मतदारसंघ  महायुती उमेदवार   महाविकास आघाडी उमेदवार  वंचित/अपक्ष/इतर        विजयी उमेदवार
1 अक्कलकोट सचिन कल्याण शेट्टी (भाजप) सिद्धराम म्हेत्रे (काँग्रेस)    
2 सोलापूर उत्तर विजयकुमार देशमुख (भाजप) महेश कोठे (राष्ट्रवादी शरद पवार) शोभा बनशेट्टी (अपक्ष, भाजप बंडखोर)  
3 सोलापूर दक्षिण सुभाष देशमुख (भाजप)  अमर पाटील (उबाठा) धर्मराज काडादी (अपक्ष, काँग्रेस बंडखोर  
4 सोलापूर मध्य देवेंद्र कोठे (भाजप) चेतन नरोटे (काँग्रेस)  नरसय्या आडम (सीपीएम)  
5 मोहोळ  यशवंत माने ( राष्ट्रवादी अप) राष्ट्रवादी (शरद पवार)  संजय क्षीरसागर (अपक्ष, बंडखोर)  
6 बार्शी राजेंद्र राऊत ( शिवसेना शिंदे) दिलीप सोपल (शिवसेना उबाठा ) आनंद यादव (परिवर्तन महाशक्ती)  
7 माढा  मीनल साठे ( राष्ट्रवादी अजित पवार अभिजीत पाटील (राष्ट्रवादी शरद पवार)  रणजितसिंह शिंदे (अपक्ष)  
8 सांगोला शहाजी बापू पाटील (शिवसेना शिंदे) दिपक साळुंखे (शिवसेना उबाठा) बाबासाहेब देशमुख (शेकाप)  
9 माळशिरस राम सातपुते (भाजप)

उत्तम जानकर (राष्ट्रवादी शरद पवार)

    
10 करमाळा  दिग्विजय बागल (शिवसेना शिंदे) नारायण आबा पाटील ( राष्ट्रवादी शरद पवार) संजय शिंदे (अपक्ष)  
11 पंढरपूर-मंगळवेढा समाधान अवताडे (भाजप) भगीरथ भालके (काँग्रेस) अनिल सावंत (राष्ट्रवादी शरद पवार)  

सोलापुरातील 11 मतदारसंघात चुरस, कोण कोणाविरुद्ध भिडतोय

1) अक्कलकोट
भाजप - सचिन कल्याणशेट्टी 
vs  काँग्रेस - सिद्धाराम म्हेत्रे 

2) सोलापूर उत्तर
भाजप - विजयकुमार देशमुख 
vs  राष्ट्रवादी (शप) - महेश कोठे

3) सोलापूर दक्षिण 
भाजप - सुभाष देशमुख 
vs शिवसेना (उबाठा) - अमर पाटील 
vs अपक्ष - धर्मराज काडादी

4) सोलापूर मध्य
भाजप - देवेंद्र कोठे
Vs - Mim - फारुख शाब्दि 
vs - CPM - नरसय्या आडम
vs चेतन नरोटे (काँग्रेस) 

5) मोहोळ
राष्ट्रवादी(अप) - यशवंत माने 
vs राष्ट्रवादी (शप) -राजू खरे

अपक्ष -  संजय क्षीरसागर

6) बार्शी
शिवसेना (उबाठा) - दिलीप सोपल
vs शिवसेना (शिंदे) - राजेंद्र राऊत

7) माढा
राष्ट्रवादी काँग्रेस (शरद पवार) - अभिजीत पाटील
Vs -  मिनल साठे (अजित पवार) राष्ट्रवादी
Vs - रणजीतसिंह शिंदे (अपक्ष)

8) सांगोला
शिवसेना (शिंदे) - शहाजी बापू पाटील 
vs शिवसेना (उबाठा) - दीपक आबा साळुंखे 
vs शेकाप - बाबासाहेब देशमुख

9) माळशिरस 
राष्ट्रवादी (शप) - उत्तम जानकर
vs राम सातपुते (भाजपा)

10) करमाळा 
राष्ट्रवादी (शप) - नारायण आबा पाटील
vs दिग्विजय बागल (शिवसेना) 

11) पंढरपूर-मंगळवेढा
भाजप - समाधान अवताडे
vs काँग्रेस - भगीरथ भालके

सोलापूर जिल्ह्यात 65.41 टक्के मतदान, 11 मतदारसंघातील टक्केवारी

करमाळा - येथील मतदारसंघात 70.54 टक्के मतदान झाले असून 116175 पुरुष मतदारांनी मतदानाचा हक्क बजावला, तर 97090 महिलांनी हक्क बजावला. 

माढा - येथील मतदारसंघात 69.26 टक्के मतदान झाले. त्यामध्ये, 124313 पुरुष मतदारांनी हक्क बजावला. तर, 1,01,595 महिलांनी मतदान केले. 

बार्शी - येथील मतदारसंघात 72.39 टक्के मतदान झाले. त्यामध्ये, 117009 पुरुष मतदारांनी तर 104437 महिलांनी मतदानाचा हक्क बजावला. 

मोहोळ - येथील मतदारसंघात 65.62 टक्के मतदान झाले. त्यामध्ये, 111229 पुरुष मतदारांना हक्क बजावला. तर, 89228 महिलांनी मतदान केले. 

सांगोला - येथील मतदारसंघात 72.67 टक्के मतदान झाले. त्यामध्ये, 114007 पुरुष मतदारांनी हक्क बजावला. तर, 99,664 महिला मतदारांनी मतदान केले. 

शहर उत्तर - येथील मतदारसंघात 52.45 टक्के मतदान झाले असून 80843 पुरुष मतदारांनी मतदानाचा हक्क बजावला असून 70402 महिला मतदारांनी मतदान केले. 

शहर मध्य - मतदारसंघात 55.47 टक्के मतदार झाले असून 87040 पुरुष तर 80525 महिला मतदारांनी मतदानाचा हक्क बजावला.   

अक्कलकोट - मतदारसंघात 61.18 टक्के मतदान झाले असून 113960 पुरुष मतदारांनी तर 97756 महिला मतदारांनी आपल्या मतदानाचा हक्क बजावला. इतरमध्ये 3 मतदारांनी आपला मतदानाचा हक्क बजावला.

पंढरपूर - येथील मतदारसंघात 71.23 टक्के मतदान झाले. त्यामध्ये, 124768 पुरुष आणि 112857 महिला मतदारांनी आपला मतदानाचा हक्क बजावला.  

सोलापूर दक्षिण - येथील मतदारसंघात  टक्के मतदान झाले आहे. त्यामध्ये, 161382 मतदारांना हक्क बजावला. त्यामध्ये, 89134 पुरुष तर, 72247 महिला मतदारांनी हक्क बजावला. तसेच, 1 इतर मतदान झाले

माळशिरस - येथील मतदारसंघात 66.77 टक्के मतदान झाले असून माळशिरस (अ. जा.) विधानसभा मतदारसंघात सकाळी 7 ते 12 दरम्यान मतदानाचा वेग कमी होता. मतदारसंघात एकूण मतदान 2,13,836 मतदारांनी आपला हक्क बजावला. त्यामध्ये, 115997 पुरुष आणि 97835 महिला मतदारांना हक्क बजावला. तर, इतरमध्ये 4 मतदान झाले. 

सोलापूर जिल्ह्यात 407 अर्ज वैध

दरम्यान, सोलापूर जिल्ह्यातील 11 विधानसभा मतदार संघातील 335 उमेदवारांचे 407 अर्ज वैध ठरवण्यात आलेत. तर 49 उमेदवारांचे 76 अर्ज अवैध ठरवण्यात आले आहेत. सोलापुरातल्या 11 विधानसभा मतदार संघात एकूण 384 उमेदवारांनी 483 अर्ज दाखल करण्यात आले होते. या सर्व अर्जाची छाननी पार पडली. जिल्ह्यातील सर्व प्रमुख पक्षांच्या उमेदवारंचे अर्ज वैध ठरवण्यात आलेत. 

हेही वाचा

एकाच राज्यासाठी काम करत असाल तर तुम्ही पंतप्रधान कशाला होता? राज्याचे मुख्यमंत्री व्हा; पवार गरजले