Ratnagiri Vidhan Sabha Constituency Election: रत्नागिरी विधानसभा मतदारसंघात शिवसेना शिंदे गटाकडून उदय सामंत यांना उमेदवारी देण्यात आली आहे. तर शिवसेना ठाकरे गटाकडून बाळ माने यांना तिकीट देण्यात आलं आहे. यंदा रत्नागिरी मतदारसंघाचे आमदार हे उदय सामंत आहेत, त्यांनी 2004 मध्ये पहिल्यांदा आमदारकी मिळवली. तेव्हापासून रत्नागिरी मतदारसंघात त्यांचंच वर्चस्व आहे.
2004, 2009 च्या दोन्ही निवडणुका सामंत यांनी राष्ट्रवादी काँग्रेसकडून लढवल्या. यानंतर त्यांनी धनुष्यबाण हाती घेतला. शिवसेना फुटीनंतर ते शिंदे गटातून निवडणूक लढवत आहेत. तर ठाकरे गटाकडून त्यांच्याविरोधात बाळ माने यांना उमेदवारी देण्यात आली आहे. त्यामुळे यंदाच्या निवडणुकीत रत्नागिरी विधानसभा मतदारसंघात कोण विजयाचा गुलाल उधळणार याकडे सर्वांचं लक्ष लागलं आहे.