Rajapur Vidhan Sabha Constituency Election 2024 : राजापूर विधानसभा मतदारसंघात शिवसेना शिंदे गटाकडून किरण सामंत यांना उमेदवारी देण्यात आली आहे. तर शिवसेना ठाकरे गटाकडून राजन साळवीयांना तिकीट देण्यात आलं आहे. तर अपक्ष म्हणून अविनाश लाड निवडणूक लढवत आहेत. यंदा राजापूर मतदारसंघाचे आमदार हे राजन साळवी आहेत, ते चौथ्यांदा या विधानसभा मतदारसंघातून निवडणुकीच्या रिंगणात उतरले आहेत.
2019 च्या विधानसभा निवडणुकीत शिवसेनेच्या राजन साळवी यांना 65,433 मतं मिळाली होती. त्यांच्या मतांची आकडेवारी हि 50.4 टक्के होती. त्यांना काँग्रेसच्या अविनाश लाड यांनी चांगलीच टक्कर दिली होती. लाड यांना 41.3 म्हणजे 53,557 मतं मिळाली होती. 11,876 मतांनी साळवी यावेळी विजयी झाले होते. एकूण 2 लाख 37 हजार 886 मतांपैकी 1 लाख 29 हजार 816 जणांनी मतदान केलं होतं. त्यामुळे यंदाच्या निवडणुकीत राजापूर विधानसभा मतदारसंघात कोण विजयाचा गुलाल उधळणार याकडे सर्वांचं लक्ष लागलं आहे.