मुंबई : महाराष्ट्र नवनिर्माण सेनेनं विधानसभा निवडणुकीसाठी एकला चलोची भूमिका घेतली आहे. मनसेनं विधानसभा निवडणुकीसाठी उमेदवारांची सहावी यादी जाहीर केली आहे. या यादीमध्ये 32 उमेदवारांच्या नावांची घोषणा करण्यात आली आहे. विशेष बाब म्हणजे राज ठाकरे यांनी भाजपचे राज्यसभा खासदार अशोक चव्हाण यांची कन्या श्रीजया चव्हाण यांच्या विरोधात देखील मनसेनं उमेदवार दिला आहे. साईप्रसाद जटालवार यांना उमेदवारी देण्यात आली आहे. मनसेनं सहाव्या यादीपर्यंत 117 उमेदवार जाहीर केले आहेत.
मनसेची उमेदवार सहावी उमेदवार यादी :
1. नंदुरबार - वासुदेव गांगुर्डे2. मुक्ताईनगर- अनिल गंगतिरे3.सावनेर- घनश्याम निखोडे 4.नागपूर पूर्व- अजय मारोडे5.कामठी- गणेश मुदलियार6.अर्जुनी मोरगाव-भावेश कुंभारे 7.अहेरी- संदीप कोरेत8.राळेगाव- अशोक मेश्राम9.भोकर- साईप्रसाद जटालवार10.नांदेड उत्तर- सदाशिव आरसुळे11.परभणी- श्रीनिवास लाहोटी12.कल्याण पश्चिम- उल्हास भोईर13.उल्हासनगर- भगवान भालेराव14.आंबेगाव- सुनील इंदोरे 15.संगमनेर-योगेश सूर्यवंशी 16.राहुरी- ज्ञानेश्वर गाडे (माऊली)17.नगर शहर- सचिन डफळ18.माजलगाव- श्रीराम बादाडे19.दापोली- संतोष अबगुल20.इचलकरंजी- रवी गोंदकर21.भंडारा-अश्विनी लांडगे22.अरमोरी- रामकृष्ण मडावी23.कन्नड- लखन चव्हाण24.अकोला पश्चिम- प्रशंसा अंबेरे25.सिंदखेडा- रामकृष्ण पाटील26.अकोट- कॅप्टन सुनील डोबाळे 27.विलेपार्ले- जुईली शेंडे 28.नाशिक पूर्व -प्रसाद सानप29.देवळाली- मोहिनी जाधाव30.नाशिक मध्य -अंकुश पवार 31. जळगाव ग्रामीण- मुकुंदा रोटे 32.आर्वी- विजय वाघमारे
मनसे स्वबळावर विधानसभा निवडणूक लढणार
महाराष्ट्र नवनिर्माण सेनेनं या विधानसभा निवडणुकीत महायुती किंवा महाविकास आघाडीसोबत न जाण्याचा निर्णय घेताल आहे. राज ठाकरे यांनी एकला चलोची भूमिका घेतली आहे. विशेष बाब म्हणजे मनसेनं माहीम विधानसभा मतदारसंघातून अमित ठाकरे यांना उमेदवारी दिली आहे.
अमित ठाकरेंना पाठिंबा देण्यावरुन महायुतीत खलबतं
अमित ठाकरे यांना पाठिंबा देण्यावरुन महायुतीत चर्चा सुरु आहेत. एकनाथ शिंदेंच्या शिवसेनेचे मंत्री दीपक केसरकर यांनी काल राज ठाकरे यांची भेट घेतली होती. त्या भेटीनंतर आशिष शेलार यांनी देखील अमित ठाकरेंना पाठिंबा देण्याबाबत भूमिका मांडली होती. आज मुख्यमंत्री एकनाथ शिंदे आणि राज ठाकरे यांची भेट होणार आहे. माहीम विधानसभा मतदारसंघाबाबत या भेटीत चर्चा होण्याची शक्यता आहे.
दरम्यान, मनसेनं आतापर्यंत 117 उमेदवारांच्या नावांची घोषणा केलेली आहे. आता मनसेच्या येत्या दोन दिवसात किती याद्या येणार आणि मनसे किती जागा लढवणार याकडे सर्वाचंं लक्ष लंगलं आहे.
इतर बातम्या :