Rahul Gandhi on Praful Patel : राहुल गांधी (Rahul Gandhi) मोठ्या राष्ट्रीय पक्षाचे नेते असले तरी त्यांना आपल्या देशाबद्दल अभ्यास नसल्याची टीका राष्ट्रवादी काँग्रेस अजित पवार गटाचे खसादार प्रफुल्ल पटेल (Praful Patel) यांनी केली. ते गोंदियात बोलत होते. राज्याचे उपमुख्यमंत्री देवेंद्र फडणवीस यांनी राहुल गांधी यांच्या भारत जोडो यात्रेमध्ये (Bharat Jodo Yatra) डाव्या विचारांच्या संघटना सहभागी झाल्या होत्या असे एका इंग्रजी वृत्तपत्राच्या मुलाखतीत म्हटले होते. यावर राष्ट्रवादीचे कार्यकारी अध्यक्ष प्रफुल्ल पटेल यांना विचारले असता त्यांनी राहुल गांधींवर चांगलाच घणाघात केला.
प्रफुल्ल पटेल यांनी राहुल गांधी यांच्यावर जोरदार टीका केली आहे. राहुल गांधी जरी एका राष्ट्रीय पक्षाचे नेते असले तरी त्यांना आपल्या देशाबद्दल अभ्यास नाही. ज्यांना अभ्यास नसतो त्यांना यात्रा काढावी लागते असा टोलाही यावेळी प्रफुल्ल पटेल यांनी लगावला. तर काँग्रेसमध्ये असे अनेक नेते आहेत ज्यांना देशाबद्दल पूर्ण अभ्यास आहे. आता ज्यांना अभ्यास नसतो त्यांना अशी यात्रा काढावी लागते असे प्रफुल्ल पटेल म्हणाले.
शरद पवार हे आमचे नेते, त्याचं जिल्ह्यात स्वागत
गोंदिया जिल्ह्यातील तिरोडा विधानसभा या ठिकाणी शरदचंद्र पवार यांच्या गटाकडून रविकांत बोपचे यांना उमेदवारी देण्यात आली आहे. त्यांच्या प्रचारासाठी उद्या शरद पवार हे तिरोडा येथे जाहीर सभा घेणार आहेत. तर शरद पवार हे प्रफुल्ल पटेल यांच्या गृह जिल्ह्यात येत असल्याने पटेल म्हणाले की, शरद पवार हे आमचे नेते आहेत. त्यांचा आपल्या जिल्ह्यात मनःपूर्वक शाब्दिक स्वागत करतो. उद्या त्यांचा स्वागतासाठी आमचे लोक जाणार आहेत. राजकारण राजकारणाच्या जागी आहे. त्यामध्ये आम्ही आपल्या पक्षाची भूमिका मांडणार आहोत. नेते आले तर आमच्या पक्षाद्वारे वरिष्ठांकडून त्यांचं स्वागत आम्ही नकीच करु असे पटेल म्हणाले.
विधानसभा निवडणुकीच्या पार्श्वभूमीवर राजकीय वातावरण चांगलच तापलं आहे. राजकीय नेते एकमेकांवर आरोप प्रत्यारोप करताना दिसत आहेत. अशातच राष्टरवादी काँग्रेस अजित पवार गटाचे खासदार प्रफुल्ल पटेल यांनी राहुल गांधी यांच्यावर जोरदार टीका केली आहे. आता त्यांच्या या टीकेला काँग्रेस नेमकं काय उत्तर देणार हे पाहणं देखील महत्वाचं ठरणार आहे.
महत्वाच्या बातम्या: