Maharashtra Assembly Election 2024 : महाराष्ट्र विधानसभा निवडणुकीचा निकाल जाहीर झाला असून राज्यामध्ये महायुतीचे सरकार पुन्हा स्थापन होणार आहे. महाविकास आघाडीचा धुव्वा उडाल्याचे चित्र आहे. या निवडणुकीमध्ये भाजपा सगळ्यात मोठा पक्ष ठरला आहे. लवकरच देवेंद्र फडणवीस हे राज्याचे मुख्यमंत्री होतील हे जवळपास निश्चित मानले जात आहे. दरम्यान, अहमदनगर जिल्ह्यातील राष्ट्रवादी काँग्रेसचा बालेकिल्ला म्हणून ओळखला जाणारा मतदार संघ म्हणजे अकोले विधानसभा मतदार संघ. आदिवासी समाज जास्त असलेल्या अकोले विधानसभेवर सध्या राष्ट्रवादी काँग्रेस अजित पवार गटाची सत्ता आहे. यंदाही डॉ. किरण लहामटे आणि राष्ट्रवादी काँग्रेस पार्टी शरदचंद्र पवार गटाचे उमेदवार अमित भांगरे यांच्यात चुरशीची लढत पाहिला मिळाली. या लढतीमध्ये डॉक्टर किरण लहामटे यांनी विजय मिळवला. राष्ट्रवादी काँग्रेस पार्टी अजित पवार गटाचे डॉ. किरण लहामटे हे विजय झाले असून त्यांना 73 हजार 958 इतके मते मिळाली. तर अमित भांगरे यांना एकूण 68,402 इतके मते मिळाली. किरण लहामटे हे 5 हजार 556 इतके मताधिक्य मिळवून ते या निवडणुकीत विजयी झाले.
अहमदनगर जिल्ह्यात महाविकास आघाडीला मोठा धक्का बसला आहे. राज्यातील काँग्रेसचे जे नेते मुख्यमंत्रीपदाचे चेहरे म्हणून ओळखले जात होते त्यांना देखील या निवडणुकीत पराभवाचा फटका सहन करावा लागला. संगमनेर मधून मुख्यमंत्री पदाच्या शर्यतीत असलेले काँग्रेसचे ज्येष्ठ नेते बाळासाहेब थोरात यांना अमोल खताळ यांच्याकडून पराभवाची चव चाखावी लागली आहे.
२०१९ मध्ये राष्ट्रवादी कॉंग्रेसचे उमेदवार काँग्रेसचे उमेदवार किरण लहामटे आणि भाजपचे उमेदवार वैभव पिचड यांच्यात चुरशीची लढत झाली होती. यावेळी डॉ. किरण यमाजी लहामटे १,१३,४१४ मतांनी विजयी झाले होते. तर भाजप उमेदवार वैभव मधुकरराव पिचड यांचा ५७, ६८९ मतांनी पराभव झाला होता. तर २०१४ च्या विधानसभा निवडणुकीत वैभव पिचड यांनी शिवसेनेच्या मधुकर तळपाडे यांना धुळ चारली होती. २०१४ विधानसभा निवडणुकीत वैभव पिचड यांनी शिवसेनेचे उमेदवार मधुकर तळपाडे यांचा २०,०६२ मतांनी पराभव केला होता.
हे ही वाचा -