मुंबई: मुंबई उपनगर जिल्ह्यातील चेंबूर हा विधानसभा मतदारसंघ शिवसेनेचा बालेकिल्ला मानला जातो. प्रकाश फातर्फेकर हे शिवसेनेला सलग तिसऱ्यांदा ही जागा जिंकणार का?, याकडे सर्वांचं लक्ष आहे. मातोश्री आणि पक्षप्रमुख उद्दव ठाकरेंशी एकनिष्ठ राहिलेल्या फातर्फेकरांनाच (MLA Prakash Phaterpekar) इथ पुन्हा संधी मिळणार हे जवळपास निश्चित आहे. परंतु, या मतदारसंघातून माजी नगरसेवक अनिल पाटणकर यांचे नावही चर्चेत आहे. त्यामुळे ठाकरे गट चेंबुरमधून (Chembur Vidhan Sabha) कोणाला उमेदवारी देणार, हे पाहावे लागले. ठाकरे गटाची उमेदवारी यादी कोणत्याही क्षणी जाहीर होण्याची शक्यता आहे. त्यामुळे याचे उत्तर लवकरच मिळू शकेल. तर दुसरीकडे फातर्फेकर यांच्याविरोधात महायुती कुणाला संधी देतं हे पाहणं उत्सुकतेचं ठरेल. उच्चभ्रू वस्ती असलेल्यांचा मतदारसंघ म्हणून याची ओळख आहे.
गेल्या विधानसभा निवडणुकीत म्हणजे 2019 मध्ये शिवसेनेच्य प्रकाश फातर्फेकर यांना 53264 मतं पडली होती, जी एकूण मतदानाच्या 40.15 टक्के इतकी होती. तर काँग्रेसचे चंद्रकांत हांडोरे दुसऱ्या क्रमांकावर राहिले होते. या मतदारसंघात सुरू असलेली विविध विकसकामं, बडेबडे पुनर्विकास प्रकल्प, त्यांतील समस्या हा इथं प्रचाराचा मुद्दा ठरणार आहे. त्यामुळे शिवसेना ठाकरे गटाची ही भक्कम आघाडी फोडून काढण्यासाठी महायुतीला इथं एखादा तगडा उमेदवार देणं गरजेचं आहे.
आणखी वाचा