Nashik crime:  नाशिक जिल्ह्याच्या पंचवटीत गेल्या आठवड्यात शिक्षक पत्नीचा खूनाचा तपास सुरू असतानाच आता सोसायटीच्या पार्किंगच्या वादातून केलेल्या मारहाणीतून एकाचा मृत्यू झाल्याची धक्कादायक घटना उघडकीस आली आहे .पार्किंगच्या वादातून संशयीतांनी 49 वर्षीय इसमाच्या छातीवर रक्तस्त्राव होईपर्यंत मारहाण केल्याने बुद्धन विश्वकर्मा या व्यक्तीचा मृत्यू झाल्याचे समोर आले आहे . शवविच्छेदन अहवालात मारहाणीमुळेच हा मृत्यू झाल्याचे निष्पन्न झाल्यानंतर पंचवटी पोलीस ठाण्यात तिघां विरोधात खूनाचा गुन्हा दाखल करण्यात आला आहे .  (Murder Case)


राज्यात किरकोळ कारणावरून मारहाण,दिवसाढवळ्या हत्या, खून,लैंगिक अत्याचार,शस्त्राचा धाक दाखवून केलेल्या गुन्ह्यांचा प्रमाणात वाढ झाली असतानाच पार्किंगच्या वादातून सोसायटीच्या चेअरमनसह कुटुंब व मुलांना केलेल्या जबर मारहाणीत 49 वर्षीय व्यक्तीचा मृत्यू झाल्याचे समोर आले . बुद्धन विश्वकर्मा असे मारहाणीत मृत्युमुखी पडलेल्या व्यक्तीचे नाव आहे .पंचवटीत सोसायटीच्या पार्किंगचा वादात संशयीतांनी बुद्धन यांना रक्तस्त्राव होईपर्यंत मारहाण केली .या मारहाणी दरम्यान त्यांचा मृत्यू झाला . शवविच्छेदन अहवालातही अंतर्गत रक्तस्त्राव झाल्याने बुद्धंन विश्वकर्मा यांचा मृत्यू झाल्याचे निष्पन्न झाले .या घटनेनंतर पंचवटीसह परिसरात मोठी खळबळ उडाली आहे . (Nashik Crime)


शवविच्छेदन अहवालानंतर तिघांवर गुन्हा


शवविच्छेदन अहवाल समोर आल्यानंतर पंचवटी पोलीस ठाण्यात मारहाण करणाऱ्या बापासह दोन मुलांवर खुनाचा गुन्हा दाखल करण्यात आलाय . घटनेचा पुढील तपास पंचवटी पोलीस करत असून नाशिक मध्ये गेल्या आठवड्यातच झालेल्या शिक्षक पत्नी खुनाच्या प्रकरणाच्या तपासातच पंचवटीत पार्किंगच्या वादातून 49 वर्षीय व्यक्तीचा खून झाल्याची घटना घडल्याने संपूर्ण शहरात खळबळ आहे .


अल्पवयीन मुलावर अनैसर्गिक अत्याचार करून हत्या


नाशिकच्या गंधर्व नगरीत आठ वर्षाच्या गतिमंद अल्पवयीन मुलावर अनैसर्गिक अत्याचार करून हत्या केल्याचं प्रकरण उघडकीस आले आहे . दोन दिवसांपूर्वी (20 जानेवारी ) या घटनेने संपूर्ण नाशिक शहरात एकच खळबळ उडाली होती .नव्याने बांधकाम सुरू असलेल्या साइटवर ही घटना घडल्याचे समोर आले आहे .या घटनेच्या तपासासाठी नाशिक पोलिसांची दोन ते तीन पदक रवाना झाली आहेत . अनैसर्गिक लैंगिक अत्याचार करून सहाव्या मजल्यावरून आरोपींना आठ वर्षाच्या गतिमंद मुलाला फेकून दिलं .यातच मुलाचा मृत्यू झाला .या घटनेने नाशिक मध्ये मोठी खळबळ उडाली आहे .


हेही वाचा:


Nashik Crime News: नाशकात क्रूरतेचा कळस! गतिमंद अल्पवयीन मुलावर अनैसर्गिक अत्याचार; इमारतीच्या 6 व्या मजल्यावरून फेकून देत हत्या