Nanded Crime News : नांदेडच्या मुखेड शहरात माणुसकीला काळीमा फासणारी धक्कादायक घटना घडली आहे. यात खाजगी शिकवणी सुटल्यानंतर घरी परतणाऱ्या 6 वर्षांच्या चिमुकलीवर एका 22 वर्षाच्या नराधम तरुणाने अत्याचार केल्याचा संतापजनक (Nanded Crime News) प्रकार उघडकीस आला आहे. या प्रकरणात ओमकार डाकूरवार या आरोपीला (Crime News) पोलिसांनी अटक केली असून, त्याच्याविरुद्ध मुखेड पोलीस ठाण्यात विविध कलमांखाली आज 8 नोव्हेंबर रोजी गुन्हा दाखल करण्यात आला आहे. या घटनेनंतर संतप्त नागरिकांनी पोलीस ठाण्यात मोठी गर्दी केली असून आरोपीला फाशीची शिक्षा द्यावी, अशी नागरिकांनी जोरदार मागणी केली आहे. दरम्यान, चिमुकलीवर नांदेड येथील रुग्णालयात उपचार सुरू असून, तिची प्रकृती सध्या स्थिर असल्याची माहिती पोलिसांनी दिली आहे.
Nanded Crime News : मुखेड पोलीस ठाण्यासमोर नागरिकांचा संताप, आरोपीला कठोर शिक्षेची मागणी
दरम्यान, हि घटना उजेडात आल्यानंतर संपूर्ण शहरात संतापाची लाट पसरली आहे. यातील आरोपीला कठोरात कठोर शिक्षा करण्यात यावी, अशी मागणी मुखेड शहरावासीयांनी केली आहे. यावेळी मोठा जमाव मुखेड पोलीस ठाण्यासमोर जमला होता. तर काही काळ परिसरात तणावाचे वातावरण निर्माण झाले होते. सध्या पोलीस या प्रकरणाचा अधिक तपास करत असून या प्रकरणी आता नेमकी काय कारवाई केली जाते, हे पाहणे महत्वाचे ठरणार आहे
Nagpur Crime : तुरुंगातून सुटका होताच कुख्यात गुंडाचा हैदोस, तरुणाला बेदम मारहाण
नागपुरात कुख्यात गुंड अश्फाक अन्वर खानने तुरुंगातून सुटका होताच, कायदा पायदळी तुडवत पुन्हा गुंडगिरी केल्याचे समोर आले आहे. MPDA सारख्या कठोर कायद्यात शिक्षा भोगून नुकतच सुटका झालेल्या अश्फाक खान ने 5 नोव्हेंबरच्या रात्री नागपूरच्या मरियम नगर परिसरात अनेक कुटुंबीयांशी वाद घातले, एका तरुणाला बेदम मारहाण केली, काही महिलांवर हात उगारले, तर मरियम नगर मधील गल्लीत उभ्या असलेल्या दुचाकींची तोडफोड करत लोकांच्या घरातील साहित्याची ही नासधूस केली. अश्फाक खानची ही सर्व गुंडगिरी सीसीटीव्हीमध्ये चित्रित झाली असून पोलिसांनी स्थानिक नागरिकांच्या तक्रारीनंतर अश्फा खानला अटक केली आहे.
ही बातमी वाचा: