MNS activist killed, मालाड : कट मारल्याच्या वादातून रिक्षाचालक आणि फेरीवाल्यांनी मिळून मनसे कार्यकर्त्याला मालाडमध्ये बेदम मारहाण करण्यात आली होती. यातच मनसे कार्यकर्त्याचा मृत्यू झाल्याची धक्कादायक माहिती समोर आली आहे. ही घटना रविवारी (दि.14) घडली आहे. आकाश माईन वय 27 असे हत्या झालेल्या मनसे कार्यकर्त्याचे नाव आहे. दरम्यान, मनसे कार्यकर्त्याच्या हत्येनंतर पक्षाचे पदाधिकारी आणि कार्यकर्ते आक्रमक झाले आहेत. त्यांनी आरोपींना तात्काळ अटक करण्याची मागणी केली आहे.
मनसेकडून पोलिसांच्या तपासावर प्रश्नचिन्ह...?
मुंबईच्या मालाड पूर्वेत मनसे कार्यकर्त्याची हत्या झाली. त्यानंतर मनसे कार्यकर्ते आक्रमक झाले आहेत. बाबा सिद्दिकी यांना वेगळा न्याय आणि मनसे कार्यकर्ताला वेगळा न्याय का ? असा सवाल त्यांनी उपस्थित झालाय. रिक्षा चालक आणि स्थानिक फेरीवाल्यांकडून मनसे कार्यकर्त्याची हत्या करण्यात आल्यानंतर पोलिसांच्या तपासावर प्रश्न चिन्ह उपस्थित करण्यात येत आहेत. या हल्लाप्रकरणी दिंडोशी पोलीस स्टेशनमध्ये गुन्हा दाखल केला असून आरोपीचा शोध घेतला जात आहे.
अधिकची माहिती अशी की, मनसे कार्यकर्ता आकाश माईन वय 27 वर्ष दसरा निमित्त काल संध्याकाळी नवीन गाडी घेण्यासाठी मालाड स्टेशनवर गेला होता. मालाड पूर्वेत स्टेशन जवळ रिक्षावाल्याने कट मारल्यामुळे मनसे कार्यकर्ता आणि रिक्षावाल्याबरोबर बाचाबाची सुरू झाली. मलाड स्टेशनवर असलेले रिक्षा चालकाचा मित्र फेरीवाल्यांनी यावेळी गर्दी जमा करून दहा ते बारा लोकांनी मनसे कार्यकर्तावर हल्ला केला. रिक्षा आणि फेरीवाल्यांच्या या हल्ल्यात मनसे कार्यकर्ता गंभीर जखमी झाला. त्याला जवळच्या ट्रामा केअर रुग्णालयात उपचारासाठी दाखल करण्यात आलं. मात्र रात्री बारा वाजता मनसे कार्यकर्त्याची मृत्यू झाला.
मनसे कडून पोलिसांवर आरोप करण्यात आला आहे. ज्या पद्धतीने बाबा सिद्दिकी यांच्या हत्याप्रकरणी पोलिसांनी तत्परता दाखवून दोन आरोपींना अटक केली आहे तर इतर आरोपीचे शोध घेत आहेत. त्याच पद्धतीने पोलिसांनी मनसे कार्यकर्तावर हल्ला प्रकरणी तपास वेगाने केली पाहिजे. अन्यथा मनसे रस्त्यावर उतरेल, असा इशारा मनसे विभाग अध्यक्ष/दिंडोधी विधानसभा भास्कर परब यांनी दिलाय.