Maharashtra Kolhapur Crime News : सैराट चित्रपटातील (Sairat Movie) कहाणीप्रमाणे आंतरजातीय विवाह केलेल्या बहीण (Sister) आणि तिच्या पतीची हत्या करणाऱ्या दोन सख्ख्या भावांना कोल्हापुरातील न्यायालयानं आजन्म कारावासाची शिक्षा (Punishment of life imprisonment) सुनावली आहे. पन्हाळा तालुक्यातल्या (Panhala Taluka) मेघा पाटील हिने प्रियकराबरोबर आंतरजातीय विवाह (Intercaste Marriage) केला होता. या लग्नाला तिच्या कुटुंबीयांचा विरोध होता. लग्नानंतर कसबा बावडा (Kasaba Bawada) इथं राहणाऱ्या मेघा आणि तिच्या पतीची तिच्या सख्ख्या भावांनी हत्या केली होती. 2015 साली या घटनेच्या आधी सैराट चित्रपट प्रदर्शित झाला होता. त्यामुळे कोल्हापुरातील ऑनर किलिंगच्या या घटनेची राज्यभर चर्चा झाली होती.
कोल्हापूर जिल्ह्यातील पन्हाळा तालुक्यातील मेघा पाटील हिनं आपल्या प्रियकरासोबत आंतरजातीय विवाह केला होता. या विवाहाला मेघाच्या कुटुंबियांचा तीव्र विरोध होता. तरीही कुटुंबीयांच्या विरोधात जात मेघा हिनं आपल्या प्रियकराशी विवाह केला. लग्नानंतर मेघा आपल्या पतीसोबत कोल्हापुरातील कसबा बावडा येथे राहण्यासाठी गेली. तिच्या सख्ख्या भावांनी तिचा मागोवा घेतला. कसबा बावडा येथील गणेश कॉलनीत मेघा पतीसह राहत असल्याची माहिती तिच्या भावांना मिळाली. त्यानंतर मेघा आणि तिच्या पतीची तिच्या दोन सख्ख्या भावांनी हत्या केली होती. 2015 मध्ये ही धक्कादायक घटना घडली होती.
मेघा हिनं आपल्या प्रियकरासोबत आंतरजातीय विवाह केल्यामुळे गावातील लोक तिच्या कुटुंबीयांना आणि दोन सख्ख्या भावांना टोमणे मारत होते. त्यामुळे दोन भावांना गावात फिरणं अशक्य झालं होतं. याची खदखद दोघांच्याही मनात गेल्या अनेक दिवसांपासून होती. त्यामुळे राग अनावर झालेल्या दोन सख्ख्या भावांनी बहिणीसह मेव्हण्याची हत्या केली होती. या प्रकरणात दोन भावांसोबत तिसरा आरोपीही होता. त्यालाही न्यायालयानं शिक्षा सुनावली आहे. त्यानं याप्रकरणात पुरावे नष्ट करुन दोन भावांची मदत केल्यामुळे तीन वर्ष सहा महिन्यांची शिक्षा न्यायालयानं सुनावली आहे.
भावांनी कसा रचला गुन्ह्याचा कट?
लग्नानंतर बहिण कुठे राहते याचा मागोवा दोन्ही भावांनी घेतला. त्यानंतर बहिणीकडे जाणं-येणं सुरु ठेवलं. तेव्हापासूनच मेव्हण्याच्या हत्येचा कट त्यांनी रचला होता. एके दिवशी रात्री दोघे भाऊ आपल्या साथीदारासह बहिणीच्या घरी गेले. घरी आलेल्या भावांसाठी चहा करण्यासाठी मेघा स्वयंपाक घरात गेली. त्यावेळी दोन्ही भावांनी बहिणीच्या पाठीवर आणि गळ्यावर सपासप वार करुन तिची हत्या केली. मेघाचा पती काहीतरी सामान आणण्यासाठी घराबाहेर गेला होता. तेवढ्यात तो घरी परतला. दोन भावांनी त्याच्यावरही सपासप वार करत हत्या केली. मेघाच्या पतीनं हल्ला होताना आरडाओरडा केला, त्यावेळी दोन्ही गुन्हेगारांनी तिथून पळ काढला. गुन्हा घडल्यानंतर तब्बल पाचच तासांत पोलिसांनी तिनही गुन्हेगारांना ताब्यात घेतलं होतं.
महत्त्वाच्या इतर बातम्या :