गडचिरोली : कबूतर चोरल्याच्या आरोपावरून चार चिमुकल्यांना एका युवकाने बेदम मारहाण केल्याची धक्कादायक घटना गडचिरोलीत घडली. या मारहाणीचा व्हिडीओ व्हायरल होताच पोलिसांनी गुन्हा दाखल करून त्या युवकाला अटक केली. देसाईगंज तालुक्यातील आमगावमध्ये ही घटना घडली. आयुष अर्जुन स्वर्णकार असं मारहाण करणाऱ्या युवकाचं नाव आहे.
आमगावमधील राम मंदिर परिसरात एका युवकाने चार चिमुकल्यांना अमानुषपणे मारहाण करण्यात आली. या मारहाणीचा चित्रफित समाज माध्यमासमोर सर्वाधिक वायरल झाल्याने देसाईगंज पोलीस स्टेशन येथे गुन्हा दाखल करून मारहाण करणाऱ्या आरोपी अल्पवयीन युवकाला अटक करण्यात आली. लाथा बुक्क्याने मारहाण, लाकडी दांड्याने मारहाण करण्याचा व्हिडीओ खूपच व्हायरल झाला आहे. ही घटना 15 जुलै रोजी झाल्याचं सांगितलं जातंय. मात्र आता त्याचा व्हिडीओ व्हायरल होत आहे.
नरेश वासुदेव बघमारे (वय 40 वर्ष) असं तक्रार करणाऱ्याचं नाव आहे. त्याच्या फिर्यादीवरुन तात्काळ पोलिस स्टेशन देसाईगंज येथे गुरक्र 212/24 कलम 118(1),351(2)(3) प्रमाणे गुन्हा दाखल करण्यात आला आहे. यातील आरोपीदेखील अल्पवयीन आहे. आरोपीला नमूद गुन्ह्यात आज ताब्यात घेऊन मुख्य न्यायाधीश, बाल न्यायालय मंडळ, गडचिरोली यांचेसमक्ष हजर केले. त्यानंतर आरोपीला 14 ऑगस्ट पर्यंत निरीक्षण गृह येथे ठेवण्याबाबत आदेश दिले आहेत.
ही बातमी वाचा: