चंद्रपूरच्या कोरपणा येथील कॉन्वेंट शाळेत आणखी एक मुलीवर अत्याचार; शाळेत बोलावून आरोपीचे अश्लील वर्तन

Chandrapur Crime News: चंद्रपूर जिल्ह्यातील कोरपणा येथील अल्पवयीन मुलीच्या बलात्कार प्रकरणात मोठी बातमी समोर आली आहे. या प्रकरणातील आरोपीने आणखी एक मुलीवर अत्याचार केल्याची माहिती पुढे आली आहे.

Chandrapur News चंद्रपूर : चंद्रपूर (Chandrapur) जिल्ह्यातील कोरपणा येथील अल्पवयीन मुलीच्या बलात्कार प्रकरणाने (Chandrapur Crime) राज्यात पुन्हा एकदा खळबळ उडवली असताना, आता या प्रकरणात आणखी एक मोठी बातमी समोर आली आहे. या प्रकरणातील पीडित मुलीच्या वर्गात शिकणाऱ्या आणखी एका 12 वर्षीय मुलीसोबत प्रकरणातील आरोपीने अश्लील वर्तन केल्याची माहिती पुढे आली आहे. उन्हाळ्यात ज्युनिअर IAS class घेण्याच्या बहाण्याने आरोपी शिक्षकाने पीडित मुलीला शाळेत बोलावून तिच्यावर अत्याचार केला असल्याची प्राथमिक माहिती पोलिसांनी दिली आहे. या आधी प्रकरणातील संबंधित शाळेच्या संचालकावर  गुन्हा दाखल करण्यात आला  होता. शाळेचे संचालक हे आरोपीचे चुलत काका असून शाळेच्या संचालक मंडळात देखील ते सामील असल्याची माहिती पुढे आली होती.

दरम्यान,या प्रकरणी पॉक्सो कायद्याच्या (POCSO) कलम 21 अंतर्गत शाळेच्या संचालकावर पोलिसांनी गुन्हा दाखल करून अटक केली होती. अशातच या प्रकरणाची जिल्हा महिला आणि बालकल्याण विभागाच्या माध्यमातून चौकशी करण्यात आली. या चौकशी दरम्यान पीडित मुलीच्या वर्गात शिकणाऱ्या आणखी एका 12 वर्षीय मुलीसोबत प्रकरणातील आरोपीने अश्लील वर्तन केल्याची माहिती पुढे आली आहे.पीडित मुलीने दिलेल्या माहितीनुसार या प्रकरणी आता पोलिसांनी विनयभंगाचा गुन्हा दाखल केला आहे. 

आरोपीला कठोरातील कठोर शिक्षा होईल याची आम्हाला खात्री- चित्रा वाघ 

भाजप महिला मोर्चाच्या प्रदेशाध्यक्ष चित्रा वाघ यांनी नुकतेच कोरपणा येथील पीडित मुलीच्या कुटुंबीयांची भेट घेतली. चित्रा वाघ यांनी पीडित मुलीच्या आईचे कौतुक केले आहे. पीडित मुलीच्या आईच्या हिंमतीमुळेच या प्रकरणाला वाचा फुटली, असे त्यांनी म्हटले आहे. तसेच गरीब घरातल्या एका मुली सोबत झालेला हा प्रकार अतिशय दुर्दैवी आहे. राहुल गांधी यांच्या मोहब्बत की दुकानमध्ये काय काय चालतंय हे आम्हाला पाहायला मिळालं. या प्रकरणात पीडित मुलगी एकटी नसून आणखीही मुलींचं शोषण झाल्याची शक्यता आहे. आरोपीला कठोरातील कठोर शिक्षा होईल याची आम्हाला खात्री असल्याचे चित्रा वाघ यांनी म्हटले आहे.

नेमकं प्रकरण काय? 

चंद्रपूर (Chandrapur) जिल्ह्यातील कोरपणा येथे उन्हाळ्यात ज्युनिअर IAS class घेण्याच्या बहाण्याने आरोपी शिक्षकाने पीडित मुलीला शाळेत बोलावून तिच्यावर अत्याचार केला. सोबतच तुझ्या आई-वडिलांना जीवानिशी मारून टाकेन, अशी धमकी देत आरोपीने पीडित मुलीला धमकावले. मात्र, पीडित मुलीने मैत्रिणीकडे या प्रकरणाची वाच्यता केल्याने हा प्रकार उघडकीस आला. याप्रकरणी पोलिसांनी गुन्हा दाखल करत संबंधित आरोपीला अटक केली. या प्रकरणातील आरोपीला अकोल्यातून अटक करण्यात आली. आरोपी हा युवक काँग्रेसचा (Congress) कोरपणा शहराध्यक्ष आहे. तर संबंधित शाळेच्या संचालकावरही गुन्हा दाखल करण्यात आला.

हे ही वाचा