Success story : देशातील प्रत्येक क्षेत्रात परुषांच्या खांद्याला खांदा लावून महिला काम करताना दिसत आहेत. प्रत्यके क्षेत्रात महिलांचा मोठा सहभाग असतो. देशातील महिला आता स्वावलंबी होत आहेत. महिला या शिक्षण क्षेत्रासह शेती क्षेत्रातही मोठं काम करत आहेत. आज आपण एका स्वावलंबी महिलेबद्दल माहिती पाहणार आहोत. कर्नाटक (Karnataka) जिल्ह्यातील राजेश्वरी नावाच्या एका महिलेनं गाय पालनातून (Cow Rearing) लाखो रुपयांचा नफा कमावला आहे. सध्या या महिलेकडे 46 गायी आहेत. दररोज 600 लिटरहून अधिक दुधाची (Milk) विक्री केली जाते. या माध्यमातून प्रत्येक महिन्याला त्यांना सात लाख रुपयांचा नफा मिळत आहे. दरम्यान, या महिलेपासून प्रेरणा घेऊन अनेक महिलाही गायी पाळत आहेत.
5 गायींसह दुग्धव्यवसायाला केली होती सुरुवात
राजेश्वरी यांचे वय 43 वर्षे आहे. राजेश्वरी या कर्नाटकातील तुमकुरू जिल्ह्यातील दुष्काळग्रस्त कोरटागेरे तालुक्यातील रहिवासी आहे. डेअरी क्षेत्रात त्यांनी मोठं काम केलं आहे. राजेश्वरी यांनी पाच वर्षांपूर्वी अवघ्या 5 गायींसह दुग्धव्यवसाय सुरु केला. आज, राजेश्वरीने परिश्रमपूर्वक तिच्या फार्मचे रूपांतर एका मोठ्या उद्योगात केले आहे. आता त्यांच्याकडे 46 गायी आहेत. या गायी दररोज 650 लिटर दूध देतात. डेअरी क्षेत्रातील तिच्या कामगिरीबद्दल, इंडियन डेअरी असोसिएशन (IDA) ने तिला गेल्या आठवड्यात बंगळुरुमधील बेस्ट वुमन डेअरी फार्मर पुरस्काराने सन्मानित केले आहे.
2019 मध्ये गाय पाळण्यास सुरुवात
राजेश्वरीची यशोगाथा 2019 मध्ये सुरू झाली, जेव्हा वयाच्या 39 व्या वर्षी तिने घरी गाय पाळण्यास सुरुवात केली. हा मार्ग चारा पुरवठ्यापासून पशुवैद्यकीय काळजी घेण्यापर्यंतच्या आव्हानांनी भरलेला होता. विशेष म्हणजे कोरटगे हा दुष्काळग्रस्त भाग आहे. येथे चारा व पाण्याची टंचाई आहे. असे असतानाही राजेश्वरीने गाय पाळण्याचे ठरवले. सहा एकर जागेवर मका आणि कापूस बियाणे पिकवण्यासाठी शेजारील शेतकऱ्यांकडून भाडेतत्त्वावर जमीन घेतली आणि गुरांना हिरवा चारा आणि धान्य उपलब्ध करून देण्यासाठी त्यांनी लागवड केली. याचा त्यांना चांगलाच फायदा झाला.
महिन्याला सात लाख रुपयांचा नफा
राजेश्वरी यांनी दिलेल्या माहितीनुसार, मेहनत आणि दर्जेदार चारा लागवडीमुळं नफ्याचे प्रमाण हळूहळू वाढू लागले आहे. यानंतर त्यांनी हळूहळू गायींची संख्या वाढवण्यास सुरुवात केली. त्यांच्याकडे जर्सी आणि होल्स्टीन फ्रिजियन जातीच्या गायी आहेत, कारण त्या त्यांच्या उच्च दूध क्षमतेसाठी ओळखल्या जातात. राजेश्वरीने यांच्याकडे आज 46 गायी आहेत. राजेश्वरीचे फार्म कर्नाटक मिल्क फेडरेशनला (KMF) दररोज 650 लिटर दूध पुरवते, ज्यामुळे मासिक 7 लाख रुपये उत्पन्न मिळते.
राजेश्वरी यांनी अनेक पुरस्कार
आपल्या गायींची योग्य काळजी घेण्यासाठी त्यांनी सुमारे चार कामगारांना कामावर ठेवले आहे. राजेश्वरी म्हणाल्या की, कर्मचाऱ्यांच्या पगाराबरोबरच मला उन्हाळ्यात मंड्या आणि आसपासच्या जिल्ह्यातून चारा खरेदीवरही खर्च करावा लागतो. पण पावसाळ्यात या खर्चाची काळजी घेतली जाते, कारण आम्ही आमच्या लीजवर दिलेल्या जमिनीवर चारा पिकवतो. राजेश्वरीच्या कर्तृत्वाला दोन कन्नड राज्योत्सव तालुका-स्तरीय पुरस्कार, सहा KMF तालुका-स्तरीय पुरस्कार आणि दुग्धव्यवसायातील सर्वोत्कृष्ट महिला म्हणून चार जिल्हास्तरीय पुरस्कारांनी गौरवण्यात आले आहे.
महत्वाच्या बातम्या: