Petrol Diesel Price Today : आंतरराष्ट्रीय बाजारात कच्च्या तेलाच्या दरात सातत्याने चढ-उतार होत आहेत. जून महिन्यापासून कच्च्या तेलाच्या दरात 30 डॉलर प्रति बॅरल (Crude Oil Price) इतकी घसरण झाली आहे. जगभरात महागाईची चिंता आहे. जगावर मंदीचे सावट आहे. त्याचा परिणाम कच्च्या तेलाच्या मागणीवर होण्याची शक्यता आहे. कच्च्या तेलाच्या दरात घसरण असली तरीदेखील भारतीय ग्राहकांना दिलासा मिळाला नाही. भारतीय कंपन्यांनी आजचे पेट्रोल-डिझेलचे दर जाहीर केले (Petrol Diesel Price) असून इंधन दरात कोणताही बदल झाला नाही.
महागाईला नियंत्रित ठेवण्यासाठी अमेरिकेची मध्यवर्ती बँक फेडरल रिझर्व्हसह अनेक देशांच्या मध्यवर्ती बँकांनी व्याज दरात वाढ केली आहे. याच्या परिणामी जगात मंदी येण्याची शक्यता व्यक्त केली जात आहे. काही वित्तीय संस्था, ट्रेंड इंडिकेटर्सदेखील येणाऱ्या दिवसात मंदीचे संकेत देत आहेत. त्यामुळे कच्च्या तेलाचे दर एका टप्प्यात ट्रेंड करत आहेत.
देशात मागील पाच महिन्यांपासून आणि राज्यात जुलै महिन्यापासून पेट्रोल-डिझेलचे दर स्थिर आहेत. इंधन दरात कोणताही बदल नसल्याने ग्राहकांना दिलासा मिळाला नाही.
राज्यातील प्रमुख शहरात दर काय?
उपराजधानी नागपूरमध्ये पेट्रोलचा दर 106.04 रुपये प्रति लिटर असून डिझेलचा दर 92.59 रुपये इतका आहे. पुण्यात पेट्रोलचा दर 105.84 रुपये आणि डिझेलचा दर 92.36 रुपये प्रति लिटर इतका आहे. कोल्हापूरमध्ये पेट्रोलचा दर 106.47 रुपये प्रति लिटर आणि डिझेलचा दर 93.01 रुपये प्रति लिटर इतका आहे. औरंगाबादमध्ये पेट्रोलचा दर 108 रुपये आणि डिझेलचा दर 95.96 प्रति लिटर इतका आहे. परभणीत पेट्रोलचा दर 109.41 रुपये आणि डिझेलचा दर 95.81 रुपये प्रति लिटर आहे. राज्यात सर्वाधिक दर परभणीमध्ये आहे.
देशातील प्रमुख महानगरात इंधन दर काय?
दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर असा दर आहे. कोलकातामध्ये पेट्रोल 106.03 रुपये प्रति लिटर आणि डिझेलचा 92.76 रुपये प्रति लिटर इतका आहे. चेन्नईत पेट्रोल 102.63 रुपये आणि डिझेल 94.24 रुपये प्रति लिटर इतका आहे. आर्थिक राजधानी मुंबईत मुंबईत पेट्रोलचा दर 106.31 रुपये प्रति लिटर आणि डिझेल 94.27 रुपये प्रति लिटर इतका आहे.
पेट्रोल आणि डिझेलचे दर (Petrol Diesel Price ) कुठे आणि कसे पाहाल?
इंडियन ऑईलचं IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता. इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील. पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).