Petrol Diesel Price in 16 December 2022: जागतिक बाजारात कच्च्या तेलाच्या किमतींत (Crude Oil price)  सलग दोन दिवस वाढ झाल्यानंतर आज पुन्हा मोठी घसरण पाहायला मिळाली. दरम्यान, शुक्रवारी सकाळी भारतीय तेल कंपन्यांनी पेट्रोल-डिझेलचे नवे दर (Petrol Diesel Price) जारी केले आहेत. तेल कंपन्यांनी आजही दिल्ली-मुंबईसारख्या देशातील चारही महानगरांमधील पेट्रोल आणि डिझेलच्या दरांत कोणताही बदल केलेला नाही. 


कच्च्या तेलाच्या दरांबद्दल बोलायचं झालं तर गेल्या 24 तासांत त्याच्या किमतीत मोठी घसरण झाली आहे. ब्रेंट क्रूड (Brent Crude Oil Price) आज सकाळी सुमारे 1.5 डॉलरनं घसरून 81.21 डॉलर प्रति बॅरल झालं आहे. आज सुमारे 1.25 डॉलरच्या घसरणीसह डब्ल्यूटीआयचा दर (WTI Crude Oil Price) देखील प्रति बॅरल 76.09 डॉलरवर पोहोचला आहे. 


दररोज सकाळी जारी होतात नवे दर  


भारतातील सरकारी तेल कंपन्या भारत पेट्रोलियम (Bharat Petroleum), इंडियन ऑइल (Indian Oil) आणि हिंदुस्थान पेट्रोलियम (Hindustan Petroleum) दररोज सकाळी 6 वाजता पेट्रोल आणि डिझेलचे दर जाहीर करतात. आज चारही महानगरांमध्ये पेट्रोल-डिझेल जुन्या दराने विकले जात आहे. जाणून घेऊया नवीन दरांबद्दल... 


Petrol Diesel Price Today : देशांतील मोठ्या शहरांतील पेट्रोल-डिझेलचे दर



  • दिल्लीत पेट्रोल 96.72 रुपये प्रति लिटर आणि डिझेल 89.62 रुपये प्रति लिटर 

  • मुंबईत पेट्रोलचा दर 106.31 रुपये प्रति लिटर आणि डिझेल 94.27 रुपये प्रति लिटर

  • कोलकातामध्ये पेट्रोल 106.03 रुपये प्रति लिटर आणि डिझेलचा 92.76 रुपये प्रति लिटर 

  • चेन्नईत पेट्रोल 102.63 रुपये आणि डिझेल 94.24 रुपये प्रति लिटर


Petrol Diesel Price Today : तुमच्या शहरांतील पेट्रोल-डिझेलच्या किमती जाणून घ्या


इंडियन ऑईलचं  IndianOil ONE Mobile App तुमच्या मोबाईलवर डाऊनलोड करुन तुम्ही तुमच्या जवळच्या इंडियन ऑईल पेट्रोल पंपावरील इंधनाचे दर जाणून घेऊ शकता.




 



इंडियन ऑईलच्या वेबसाईटवर https://iocl.com/Products/PetrolDieselPrices.aspx पेट्रोल डिझेलचे दर (Petrol Diesel Price) सोप्या पद्धतीने पाहता येतील.


पेट्रोल आणि डिझेलच्या किंमती ( Petrol Diesel Price ) एसएमएसद्वारे देखील कळू शकतात. इंडियन ऑईलच्या वेबसाईटने दिलेल्या माहितीनुसार, RSP आणि स्पेस देऊन आपल्या शहराचा कोड टाकून 92249992249 या क्रमांकावर एसएमएस करायचा आहे. हा कोड इंडियन ऑईलच्या वेबसाईटवर मिळेल. (शहरांचे कोड इंडियन ऑईलच्या वेबसाईटवर देण्यात आले आहेत).