Jobs News : देशात मोठ्या प्रमाणात बेरोजगारी (Unemployment) आहे. आजच्या काळात तरुणांना रोजगार न मिळणे ही मोठी चिंतेची गोष्ट होत आहे. तुम्ही देखील नोकरीच्या (Job) शोधात असाल तर तुमच्यासाठी अत्यंत दिलासादायक बातमी समोर आली आहे. देशातील सेवा क्षेत्रात (service sector) नोकऱ्यांचा मोठा पूर येणार असल्याची माहिती एका अहवालात देण्यात आली आहे. अर्थसंकल्पात केंद्र सरकारने रोजगार वाढीसाठी अनेक योजना सुरू केल्या होत्या. ज्यामध्ये युवकांना कौशल्य प्रशिक्षण आणि इंटर्नशिप देण्याचे सांगितले होते. आता सेवा क्षेत्रात रोजगाराच्या नव्या संधी उपलब्ध होणार असल्याचे एका अहवालातून म्हटलंय.
जुलैच्या तुलनेत ऑगस्टमध्ये भारताच्या सेवा क्षेत्राची वाढ झाली आहे. मार्चनंतरचा हा सर्वात वेगवान विस्तार आहे. मासिक सर्वेक्षणात ही माहिती देण्यात आली आहे. हंगामी समायोजित HSBC इंडिया भारत सेवा PMI व्यवसाय क्रियाकलाप निर्देशांक जुलैमध्ये 60.3 वरून ऑगस्टमध्ये 60.9 वर पोहोचला. मार्चनंतरचा हा सर्वात वेगवान विस्तार आहे. हे मुख्यत्वे उत्पादकता नफा आणि सकारात्मक मागणी ट्रेंडच्या दृष्टीने पाहिले जाते.
सेवा क्षेत्रात वाढ
सेवा क्षेत्रात वेगानं वाढ होत आहे. ऑगस्टमध्ये एकूण पीएमआयने मजबूत वाढ दर्शविली आहे. मार्चनंतरचा हा सर्वात वेगवान विस्तार होता. ही वाढ मुख्यत्वे नवीन करार, विशेषत: देशांतर्गत करारातील वाढीमुळे झाली. किमतींबद्दल बोलायचे झाल्यास, कच्च्या मालाच्या किमतीत सहा महिन्यांतील सर्वात कमी वाढ झाली आहे, उत्पादन आणि सेवा या दोन्ही क्षेत्रांमध्ये समान कल दिसून आला. यामुळे ऑगस्टमध्ये उत्पादन किंमत महागाई कमी झाली.
अहवाल काय म्हणतो?
भारताच्या सेवा अर्थव्यवस्थेत एकूण दरवाढीचा दर मध्यम राहिला असल्याचे सर्वेक्षणात म्हटले आहे. ही वाढही जुलैमध्ये दिसलेल्या वाढीपेक्षा कमी होती. रोजगाराची पातळी मजबूत राहिली, जरी भरतीचा वेग जुलैच्या तुलनेत थोडा कमी होता. दरम्यान, एचएसबीसी इंडिया कंपोझिट पीएमआय आउटपुट इंडेक्स जुलैप्रमाणे ऑगस्टमध्ये 60.7 वर होता. ऑगस्टमधील सर्वेक्षणाच्या आकडेवारीनुसार भारतीय वस्तू आणि सेवांच्या किमती जुलैच्या तुलनेत कमी वाढल्या आहेत. दोन्ही उत्पादक कंपन्या आणि त्यांच्या सेवा समकक्षांनी ऑगस्टमध्ये खर्चाच्या दबावात घट केली. एकूणच महागाईचा दर सहा महिन्यांतील नीचांकी पातळीवर आल्याचे सर्वेक्षणात म्हटले आहे. दरम्यान, सेवा क्षेत्रात नोकरीच्या संघी उपलब्ध होणार असल्यामुळं तरुणांसाठी ही एक मोठी संधी आहे.