House Buying : रिअल इस्टेटमध्ये (Real Estate) गुंतवणूक ही सध्याच्या सर्वोत्तम गुंतवणुकीपैकी एक आहे. मालमत्तेमध्ये गुंतवणूक (investment) करण्याचा चुकीचा निर्णय तुमच्या आर्थिक आरोग्यावर परिणाम करु शकतो, कारण तुम्ही ही मालमत्ता खरेदी करण्यासाठी तुमच्या आयुष्यभराची कमाई गुंतवता. त्यामुळं मालमत्ता किंवा घर खरेदी करण्यापूर्वी त्याबाबतची सर्व माहिती जाणून घेतली पाहिजे. तुमच्या स्वप्नातील घर खरेदी करण्यापूर्वी तुमचे हक्क जाणून घ्या.
तुम्ही तुमच्या आयुष्यभराच्या कमाईने तुमचे स्वप्नातील घर खरेदी करण्याचा विचार करत असाल तर ही बातमी तुमच्यासाठी महत्त्वाची आहे. हे जाणून घेणे महत्त्वाचे आहे की तुम्ही जर पैसे गुंतवत असाल तर ते योग्य ठिकाणी असले पाहिजेत. जेणेकरुन तुमचे नुकसान होणार नाही.
'या' गोष्टी लक्षात ठेवा
जर तुम्ही घर खरेदीसाठी तुमचे पैसे खर्च करत असाल, तर तुम्ही तुमच्या खात्यात किती पैसे जमा केले आहेत, तुमचे बजेट किती हे पाहणं गरजेचं आहे. तुमच्या नोकरीतून मिळणाऱ्या उत्पन्नासोबत, तुम्ही हेही लक्षात ठेवावे की तुम्ही गृहकर्ज घ्यायचे असल्यास, तुम्ही त्याची EMI वेळेवर भरू शकता. तुम्ही ज्या सोसायटीमध्ये घर घेण्याचा विचार करत आहात आणि तेथून तुम्हाला हॉस्पिटल, शाळा, किराणा दुकान, मॉल्स आणि इतर दैनंदिन जीवनावश्यक वस्तू किती सहज मिळू शकतात का? ते पाहा.
जागेचा तपशील जाणून घ्या
सर्वात महत्त्वाची गोष्ट म्हणजे जवळच्या RERA कार्यालयात जाऊन तुम्ही जिथे घर खरेदी करत आहात त्या जमिनीचा तपशील जाणून घेणे गरजचे आहे. यामुळे तुमची फसवणूक होण्याची शक्यता कमी होते. जर तुमच्याकडे वेळ कमी असेल तर तुम्ही बँक कर्मचाऱ्याशी संपर्क साधू शकता. कर्ज मंजूर करण्यापूर्वी तो तुमच्या जमिनीचे सर्व तपशील वैयक्तिकरित्या तपासेल. जमीन आणि त्यावर बांधलेला फ्लॅट योग्य ठरला तरच तो तुमचे कर्ज मंजूर करेल. अन्यथा तो नकार देईल.
नोंदणी आणि मुद्रांक शुल्क
तुम्हाला फक्त मालमत्ता खरेदी करण्यासाठी निधी उभारण्याची गरज आहे, तर तुम्हाला नोंदणी शुल्क आणि मुद्रांक शुल्क देखील भरावे लागेल, ज्यामध्ये मोठ्या रकमेची भर पडेल. घर खरेदीदारांनी ते खरेदी करत असलेल्या स्थानावर आणि मालमत्तेवर अवलंबून किती पैसे देणे अपेक्षित आहे.
महत्त्वाच्या बातम्या: