Gautam Adani : उद्योगपती गौतम अदानी हे बंदर व्यवस्थापन क्षेत्रातील एक मोठं नाव आहे. भारतातील सर्वात मोठी बंदर कंपनी असण्यासोबतच त्यांनी अलीकडेच इस्रायलच्या हैफा बंदराच्या व्यवस्थापनासोबत करार केला होता. भारत ज्याची अनेक दिवसांपासून वाट पाहत होता, ते आता अदांनीनी केले आहे. आता लवकरच भारतात जगातील सर्वात मोठं जहाजही पोहोचणार आहे.
भारत स्वतःला जगाचे व्यापार ट्रान्झिट हब म्हणून विकसित करण्याचा अनेक दिवसांपासून प्रयत्न करत आहे. जगातील सर्वात मोठी जहाजे थांबू शकतील आणि विश्रांती घेऊ शकतील असे बंदर भारतात असले पाहिजे. दुरुस्ती आणि देखभालीचे काम पूर्ण करून पुन्हा इंधन भरता येईल. पण भारताकडे असे कोणतेही बंदर नव्हते जिथे एवढी मोठी जहाजे बसू शकतील. गौतम अदानी यांच्या कंपनीने आता असे बंदर तयार केले आहे.
अदानी पोर्ट्सने केरळमधील विझिंजम बंदर विकसित केले आहे. जे देशाच्या दक्षिणेकडील टोकापासून अगदी थोड्या अंतरावर आहे. देशातील अशा प्रकारचे हे पहिलेच बंदर आहे. रविवार 15 ऑक्टोबरपासून हे काम सुरू झाले आहे. या बंदराच्या मदतीने सध्या चीनचे वर्चस्व असलेल्या आंतरराष्ट्रीय सागरी व्यापारात भारताला मोठा वाटा मिळणार आहे. यासोबतच भारताला मॅन्युफॅक्चरिंग हब बनवण्यातही मदत होईल, कारण यामुळे कंपन्यांचा खर्च कमी होईल.
जगातील सर्वात मोठे जहाज भारतात येणार
हे बंदर सुरू झाल्यानंतर जगातील सर्वात मोठे जहाज भारतात येणार आहे. होय, झेन हुआ 15 (Zhen Hua 15) नावाचे हे मालवाहू जहाज पूर्व चीन समुद्रातून प्रवासाला निघाले आहे. हे जहाज रविवारीच या बंदरावर पोहोचेल. हे जगातील सर्वात मोठे मालवाहू जहाज आहे. भारतात आल्यानंतर एवढी मोठी क्रेन मशीन देशात प्रथमच कार्यरत होणार आहे. एवढेच नाही तर जगातील सर्वात मोठी कंटेनर जहाजे हाताळण्याची क्षमता असलेल्या देशांच्या यादीत भारताचा समावेश होईल. येथे 24 मीटर खोल नैसर्गिक प्रवाह आहे, ज्यामुळे जगातील सर्वात मोठे जहाज या बंदरावर आरामात उभे केले जाऊ शकते. याआधी जगातील बहुतेक मोठी जहाजे भारतात न थांबता पुढे जात असत. त्याऐवजी ती दुबई, सिंगापूर आणि कोलंबो, श्रीलंका येथे थांबायची.
अदानी समूहासाठी मोठी उपलब्धी
या वर्षाच्या सुरुवातीला शॉर्ट सेलर कंपनी हिंडेनबर्ग रिसर्चच्या अहवालानंतर अदानी समूह अडचणीत आला आहे. अशा स्थितीत विझिंजम बंदर सुरू होणे ही त्यासाठी मोठी उपलब्धी आहे. हे बंदर आंतरराष्ट्रीय व्यापार मार्गाच्या मार्गावर आहे ज्यातून जगातील 30 टक्के मालवाहतूक होते. जगातील सर्वात मोठे जहाज भारतात येणार हा गौतम अदानी यांचा करिश्मा आहे. उद्योगपती गौतम अदानी अनेक दिवसांपासून भारतासाठी हीच योजना आखत होते. गौतम अदानी यांची कंपनी अदानी पोर्ट ही जगातील आघाडीच्या कंपन्यांपैकी एक आहे. ही कंपनी जगातील सर्वात मोठे जहाज भारतात आणते.