Weekly Horoscope 24 October To 03 November 2024 : ज्योतिष शास्त्रानुसार, यंदा दिवाळीच्या आठवड्याची सुरुवात बऱ्याच शुभ योगांनी होत आहे. आठवड्याची सुरुवातच लक्ष्मी नारायण राजयोगाने होत आहे. या आठवड्यात वृश्चिक राशीत बुध आणि शुक्राची युती होत आहे, ज्यामुळे लक्ष्मी नारायण राजयोग तयार होत आहे. ज्योतिष शास्त्रानुसार, या योगाच्या निर्मितीमुळे काही राशींवर लक्ष्मीची विशेष कृपा राहील. या राशी नेमक्या कोणत्या? जाणून घेऊया.


वृषभ रास (Taurus)


वृषभ राशीच्या लोकांसाठी नवीन आठवडा भाग्याचा ठरणार आहे. या आठवड्यात घरगुती समस्या दूर होतील. कुटुंबात आनंदाचं वातावरण राहील. नोकरीच्या शोधात असलेल्या लोकांना नवीन काम मिळू शकतं. व्यावसायिकांना या आठवड्यात अचानक आर्थिक लाभ होऊ शकतो. या काळात भागीदारीत काम करणाऱ्या लोकांनाही त्यांचा व्यवसाय वाढवण्याची संधी मिळू शकते. प्रेम जीवनात आनंद राहील, नात्यात गोडवा येईल.


कर्क रास (Cancer)


दिवाळीचा हा आठवडा कर्क राशीच्या लोकांसाठी खूप आनंदाचा आणि यशाचा असेल. या आठवड्यात तुमची सर्व कामं वेळेवर होतील. तुम्हाला तुमच्या मेहनतीचं चांगलं फळ मिळेल. नोकरीच्या ठिकाणी वरिष्ठ तुमच्या कामावर खूश होतील. सर्वजण एकत्र काम करुन तुम्हाला सहकार्य करतील. जमीन किंवा वाहन खरेदी करण्याचा विचार करत असाल तर हा काळ अनुकूल आहे. प्रेमसंबंधांमध्ये सकारात्मकता येईल आणि संबंध अधिक दृढ होतील.


सिंह रास (Leo)


सिंह राशीच्या लोकांसाठी हा आठवडा चांगला जाणार आहे. जे परदेशात शिकण्याचा विचार करत आहेत त्यांना चांगली संधी मिळू शकते. कौटुंबिक प्रश्नही सुटतील. वडिलधाऱ्यांचं पूर्ण सहकार्य मिळेल. या आठवड्यात व्यवसायात पैसे गुंतवल्याने तुम्हाला फायदा होऊ शकतो. देवी लक्ष्मीचा आशीर्वाद राहील. तुमची आर्थिक स्थिती सुधारेल. तुम्हाला तुमच्या जोडीदाराकडून सहकार्य मिळेल.


कुंभ रास (Aquarius)


कुंभ राशीच्या लोकांसाठी हा आठवडा कौटुंबिक आणि करिअर या दोन्ही दृष्टीने चांगला राहील. कोर्टाशी संबंधित प्रकरणं सोडवली जाऊ शकतात. सरकारी किंवा राजकीय कामात यश मिळेल. स्पर्धा परीक्षांची तयारी करणाऱ्या विद्यार्थ्यांना चांगली बातमी मिळू शकते. तब्येत ठीक राहील. जोडीदारासोबत चांगला वेळ जाईल. आर्थिक लाभ होऊ शकतो.


मीन रास (Pisces)


मीन राशीच्या लोकांसाठी हा आठवडा फायद्याचा राहील. तुम्ही विचार करत असलेली कामं पूर्ण होतील. या आठवड्यात पैशाशी संबंधित समस्या सुधारतील. नोकरीतही प्रगतीचे नवीन मार्ग उघडू शकतात. अडकलेले पैसे मिळण्याची शक्यता आहे. आर्थिक स्थिती मजबूत होईल. नोकरीच्या ठिकाणी तुम्ही तुमच्या मेहनतीने आणि बुद्धीने इतरांना प्रभावित कराल. प्रेमाच्या बाबतीतही तुम्हाला तुमच्या जोडीदाराकडून एक खास भेट मिळू शकते, ज्यामुळे नात्यात गोडवा येईल.


(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)


हेही वाचा: 


Astrology : धनत्रयोदशीनंतर बनतोय शक्तिशाली परिवर्तन योग; 7 नोव्हेंबरपासून 3 राशींना सोन्याचे दिवस, अनपेक्षित स्रोतांतून होणार अपार धनलाभ