Weekly Horoscope 19 August To 25 August 2024 : नवीन आठवडा काही राशींसाठी भाग्याचा असणार आहे. आजपासून नवीन आठवडा सुरू झाला आहे. हा आठवडा काही राशींसाठी खूप शुभ असणार आहे. काही राशींसाठी नवीन आठवडा (Weekly Horoscope) लाभदायी असेल. ऑगस्ट महिन्याचा पहिला आठवडा तुमच्यासाठी कसा असेल? तुमचा व्यवसाय, करिअर, आरोग्य आणि लव्ह लाईफ या काळात कशी असेल? सर्व राशींचे साप्ताहिक राशीभविष्य (Weekly Horoscope) जाणून घ्या.
मेष रास (Aries Horoscope)
नवीन आठवडा मेष राशीच्या लोकांसाठी आव्हानात्मक असणार आहे. नवीन आठवड्यात मेष राशीचे लोक आपलं ध्येय पूर्ण करण्याच्या मार्गावर असतील. थोडेसे उतार-चढाव असतील. प्रत्येक कामात तुम्हाला धावपळ करावी लागू शकते. जे विद्यार्थी परीक्षेची तयारी करतायत त्यांना अधिक मोहनत करण्याची गरज आहे. कुटुंबात एखाद्या गोष्टीवरून वाद-विवाद होण्याची शक्यता आहे. बौद्धिक क्षमतेचा विकास झालेला दिसेल.
वृषभ रास (Taurus Horoscope)
वृषभ राशीच्या लोकांसाठी नवीन आठवडा चांगला असणार आहे. आयुष्यात प्रत्येक गोष्टीचा निर्णय घेण्यासाठी जोडीदाराची चांगली साथ तुम्हाला लाभेल. या आठवड्यात तुम्ही तुमची कामं अगदी वेगाने पूर्ण कराल. जर तुम्ही व्यावसायिक असाल तर तुमचा व्यवसाय अधिक वृद्धिंगत होऊ शकतो. लव्ह लाईफ तुमची चांगली असेल. वैवाहिक जीवन सुखी असेल. आठवड्याच्या शेवटी तुम्हाला शुभवार्ता मिळण्याची शक्यता आहे.
मिथुन रास (Gemini Horoscope)
मिथुन राशीच्या लोकांसाठी नवीन आठवडा चांगला असणार आहे. या आठवड्यात तुमच्यावर अचानक कामाचा ताण येण्याची शक्यता आहे. तसेच, प्रॉपर्टीशी संबंधित तुमचे वाद लवकरच मिटू शकतात. तुमचे खर्च वाढत राहतील. तसेच, भावनेच्या भरात कोणताही निर्णय घेऊ नका. तुमचा व्यापार देखील चांगला चालेल. तुमचे अनेक दिवसांपासून रखडलेले काम या काळात पूर्ण होण्याची शक्यता आहे.
कर्क रास (Cancer Horoscope)
कर्क राशीच्या लोकांसाठी श्रावण महिन्याचा नवीन आठवडा चांगला जाणार आहे. जर तुम्हाला शुभ कार्याची सुरुवात करायची असेल तर त्यासाठी हा काळ चांगला आहे. शैक्षणिक बाबतीत तुमची चांगली प्रगती दिसून येईल. तसेच, जोडीदाराचा तुम्हाला चांगला पाठिंबा मिळेल.
सिंह रास (Leo Weekly Horoscope)
सिंह राशीच्या लोकांसाठी नवीन आठवडा काहीसा खर्चिक असणार आहे. छोट्या-मोठ्या गोष्टींवर तुमचे जास्त पैसे खर्च होतील. मात्र, तुमची आर्थिक स्थिती चांगली असेल. त्यामुळे एक प्रकारे सकारात्मक दृष्टीकोन राहील.या आठवड्यात तुम्ही तुमच्या आरोग्याबाबत सतर्क असणं फार गरजेचं आहे.
कन्या रास (Virgo Weekly Horoscope)
कन्या राशीच्या लोकांसाठी नवीन आठवडा चांगला जाणार आहे. या आठवड्यात तुम्ही नवनवीन प्रयोग करून स्वत:ला पडताळू शकता. अनेक नवीन धोरणं स्विकारण्यासाछी तयार राहा. तसेच, पैशांचा जपून वापर करा. विनाकारण पैसे खर्च करू नका.
तूळ रास (Libra Weekly Horoscope)
तूळ राशीच्या लोकांनी नवीन आठवड्यात सावधान राहण्याची गरज आहे. नवीन आठवड्यात तुम्ही जे तुमचं काम बिघडवतात त्यांच्यापासून तुम्हाला सावध राहण्याची गरज आहे. तसेच, जर तुम्ही व्यवसाय करत असाल तर त्यात तुम्हाला उतार-चढाव पाहायला मिळू शकतात.
वृश्चिक रास (Scorpio Weekly Horoscope)
नवीन आठवडा तुमच्यासाठी फार लकी असणार आहे. या आठवड्यात तुम्हाला प्रत्येक ठिकाणी लोकांचा सहभाग मिळेल. बिझनेसच्या माध्यमातून तुम्हाला प्रवासाचा योग येऊ शकतो. कामाच्या निमित्ताने तुमची ट्रान्सफर होण्याची शक्यता आहे.
धनु रास (Sagittarius Weekly Horoscope)
धनु राशीच्या लोकांसाठी नवीन आठवडा काहीसा आव्हानात्मक असण्याची शक्यता आहे. तसेच, नवीन आठवड्यात तुम्ही आळसचा त्याग करणं गरजेचं आहे.वाहन चालवताना काळजी घ्या. तसेच, नवीन आठवड्यात तुम्ही तुमच्या पार्टनरबरोबर नवीन व्यवसाय सुरु करु शकता.
मकर रास (Capricorn Weekly Horoscope)
मकर राशीच्या लोकांसाठी नवीन आठवडा शुभ राहील. तुम्ही नोकरी करत असाल तर या आठवड्यात तुमची बदली होऊ शकते. व्यवसायासाठी केलेला प्रवास चांगला ठरेल. तरुणाईचा हा आठवडा मौजमजेत जाईल. वैवाहिक जीवनात आनंद राहील. कौटुंबिक समस्या सोडवताना कुटुंबियांच्या भावनांकडे दुर्लक्ष करू नका.
कुंभ रास (Aquarius Weekly Horoscope)
कुंभ राशीच्या लोकांसाठी नवीन आठवडा संमिश्र जाईल. कोणाच्याही प्रभावाखाली येऊन कोणताही निर्णय घेऊ नका. तुमच्यावर कामाच्या ठिकाणी नवीन जबाबदाऱ्या सोपावल्या जाऊ शकतात. या आठवड्यात तुम्ही जास्त भावनिक होऊ नये. राग बाजूला ठेवून कोणतंही काम करा. या आठवड्यात प्रियकरासोबत मतभेद होऊ शकतात.
मीन रास (Pisces Weekly Horoscope)
मीन राशीच्या लोकांसाठी नवीन आठवडा चांगला राहील. या आठवड्यात तुम्हाला नोकरीच्या चांगल्या संधी मिळतील, परंतु ही संधी तुमच्या हातून निसटू देऊ नका, जर तुम्ही कठोर परिश्रम केले तर तुम्हाला त्यात अपेक्षित यश मिळू शकतं. एखाद्या व्यक्तीबद्दल आकर्षण वाढू शकतं. तुमचं आरोग्य या काळात चांगलं राहील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: