Vastu Tips : झोपण्यापूर्वी तुम्हीही करता 'हे' काम? आजच या सवयी सुधारा, होईल आर्थिक नुकसान! वास्तुशास्त्रात म्हटलंय..
Vastu Tips : वास्तुशास्त्रानुसार व्यक्तीने झोपण्यापूर्वी या गोष्टी करू नयेत. या कामांमुळे देवी लक्ष्मी नाराज होऊ शकते. वास्तुशास्त्रात म्हटलंय..
Vastu Tips : ज्योतिषशास्त्र असो वा वास्तुशास्त्र, सनातन हिंदु धर्मात नियमांना विशेष महत्त्व आहे. सर्वांमध्ये काही सवयी सांगितल्या गेल्या आहेत, ज्याचा संबंध कुटुंबाच्या प्रगती आणि समृद्धीशी आहे. वास्तुशास्त्रात अशी काही कामे सांगितली आहेत, जी स्त्री आणि पुरुष दोघांनीही रात्री झोपण्यापूर्वी करायला विसरू नये. कारण या सवयी वास्तुशास्त्रात चांगल्या मानल्या जात नाहीत. जर तुम्ही झोपण्यापूर्वी या गोष्टी कराल तर देवी लक्ष्मी तुमच्यावर नाराज होऊ शकते आणि तुम्हाला पैशांशी संबंधित समस्यांना सामोरे जावे लागू शकते. झोपण्यापूर्वी तुम्हीही करता 'हे' काम? आजच या सवयी सुधारा. या कामांबद्दल जाणून घ्या.
झोपण्यापूर्वी या गोष्टी कराल तर, देवी लक्ष्मी होईल नाराज
झोपताना डोक्याच्या बाजूला पाण्याची बाटली ठेवणे
अनेक लोक रात्री डोक्याच्या बाजूला पाण्याची बाटली ठेवून झोपतात, जेणेकरून त्यांना तहान लागल्यावर लगेच पाणी पिता येईल. पण ही सवय वास्तुशास्त्रात अशुभ मानली गेली आहे. यानुसार पाण्याची बाटली डोक्याच्या बाजूला ठेवून झोपल्याने चंद्रदोष होतो. यासोबतच नकारात्मकताही वाढते. त्यामुळे तुम्हीही हे करत असाल तर आजच ही सवय सोडा. बेडपासून काही अंतरावर, तसेच टेबल इत्यादींवर पाण्याची बाटली ठेवू शकता.
बेडवर जेवण करणे
अंथरुणावर जेवण करणे वास्तुशास्त्रामध्ये निषिद्ध मानले गेले आहे. मात्र असे असूनही अनेकजण बेडवर बसून अन्न खातात. इतकंच नाही तर त्यानंतर खरकटी भांडी त्याच खोलीत ठेवतात आणि बेड साफ न करताच झोपतात. तुमच्या या सवयीमुळे तुमच्या आयुष्यात अडचणी येऊ शकतात. कारण यामुळे देवी लक्ष्मी क्रोधित होते. कारण जिथे स्वच्छतेची काळजी घेतली जात नाही, तिथे लक्ष्मीचा वास नाही. यासोबतच अस्वच्छ पलंगावर झोपल्याने रात्री भयानक स्वप्ने पडतात.
या गोष्टी उशीखाली ठेवू नका
रात्री झोपण्यापूर्वी कधीही पर्स, घड्याळ, वर्तमानपत्र, पुस्तक किंवा इलेक्ट्रॉनिक्सशी संबंधित उपकरणे उशीखाली ठेवू नका. वास्तुशास्त्रात अशा सवयी चुकीच्या असल्याचे सांगितले आहे. याचा परिणाम तुमच्या झोपेवर तर होतोच पण याचा परिणाम घराच्या सुख-समृद्धीवरही होतो.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
इतर बातम्या
Vastu Tips : जर तुम्ही आर्थिक संकटाने त्रस्त असाल, तर घरात हे रोप लावा, देवी लक्ष्मीचा आशीर्वाद मिळेल!
महत्त्वाच्या बातम्या
ट्रेंडिंग न्यूज
