एक्स्प्लोर

Surya Grahan 2026 : 11 किंवा 12 ऑगस्ट? वर्षातलं दुसरं सूर्यग्रहण नेमकं कधी दिसणार? भारतात सूर्यग्रहणाची वेळ काय? वाचा A to Z माहिती

Surya Grahan 2026 : हे सूर्यग्रहण फार खास मानलं जाणार आहे. हे एक प्रकारे पूर्ण सूर्यग्रहण असणार आहे. ज्यामध्ये चंद्र पूर्णपणे सूर्याला झाकून टाकणार आहे.

Written By : एबीपी माझा वेब टीम | Updated at : 05 Aug 2026 01:38 PM (IST)

Surya Grahan 2026

Source : ABP WEB TEAM

Surya Grahan 2026 : खगोल शास्त्रानुसार, 2026 या वर्षातलं दुसरं आणि सर्वात महत्त्वाचं सूर्यग्रहण (Surya Grahan) पुढच्या महिन्यात म्हणजेच 12 ऑगस्ट 2026 रोजी लागणार आहे. हे सूर्यग्रहण फार खास मानलं जाणार आहे. हे एक प्रकारे पूर्ण सूर्यग्रहण असणार आहे. ज्यामध्ये चंद्र पूर्णपणे सूर्याला झाकून टाकणार आहे. त्यामुळे पृथ्वीच्या काही भागात दिवसा अंधार दिसण्याची शक्यता आहे. या सूर्यग्रहणाची वेळ काय असणार आहे? तसेच, हे सूर्यग्रहण नेमकं कुठे-कुठे दिसणार आहे? भारतात याचा परिणाम दिसून येणार आहे का? या संदर्भात अधिक माहिती जाणून घेऊयात.

12 ऑगस्ट रोजी सूर्यग्रहण कुठे दिसणार आहे?

खगोल शास्त्रीय गणनेनुसार, 12 ऑगस्ट रोजी लागणारं पूर्ण सूर्यग्रहण हे उत्तर गोलार्धाच्या क्षेत्रात दिसणार आहे. हे ग्रीनलॅंड आइसलॅंड,स्पेन, रूस आणि अटलांटिक महासागराच्या काही भागांत दिसणार आहे. युरोपच्या बहुतेक देशांत, उत्तर अमेरिकेच्या काही भागांत, तसेच, आफ्रिकेच्या उत्तर-पश्चिम भागांत हे आंशिक सूर्यग्रहण दिसणार आहे.

हे सूर्य ग्रहण भारतात दिसणार का?

ज्योतिष आणि खगोलशास्त्रीयनेनुसार, 12 ऑगस्ट 2026 ला लागणार आहे सूर्य ग्रहण भारतात दिसणार नाही आहे हे ग्रहण. कारण हे ग्रहण भारताच्या वेळेनुसार रात्रीच्या वेळी हे घडेल, म्हणून भारतात हे ग्रहण दिसणार नाही आहे.

सूर्य ग्रहणाची वेळ

भारतीय वेळेनुसार, 12 ऑगस्टच्या दिवशी सूर्यग्रहण रात्री 9 वाजून 4 मिनिटांपासून सुरु होणार असून ते रात्री 1 वाजून 27 मिनिटांपर्यंत असणार आहे.

सूतक काळाची मान्यता आणि वेळ

धार्मिक मान्यतेनुसार, सूर्यग्रहण सुरु होण्याच्या आधी 12 तासांआधी सूतक काळ लागणार आहे. सूतक काळात शुभ कार्याला मान्यता नसते आणि मंदिराचे दरवाजे बंद ठेवले जातात. पण भारतात सूर्य ग्रहण दिसणार नाही. म्हणून भारतात सूतक पाळले जाणार नाही आहे. त्यामुळे धार्मिक नियमाचे पालन करणे गरजेच नाही.