Somvati Amavasya 2023: सोमवती अमावस्येला तुमच्या राशीनुसार करा हे' उपाय, भगवान शंकर प्रसन्न होतील, ज्योतिषशास्त्रात म्हटलंय..

Somvati Amavasya 2023: आज सोमवती अमावस्येला तुमच्या राशीनुसार उपाय केल्यास भगवान शंकराची कृपा सदैव तुमच्यावर राहील. या उपायांबद्दल जाणून घ्या.

Somvati Amavasya 2023 remedies in marathi news

Somvati Amavasya 2023 : आज सोमवती अमावस्या आहे. सोमवारी येणाऱ्या अमावस्याला सोमवती अमावस्या म्हणतात. या अमावस्येला सनातन धर्मात विशेष महत्त्व आहे. या दिवशी माता पार्वती आणि भगवान शिव यांची विधिवत पूजा केली जाते. या दिवशी राशीनुसार विशेष उपाय केल्यास भगवान शंकराची कृपा सदैव राहते. आज सोमवती अमावस्येला एक विशेष योगायोग घडत आहे आणि अशा स्थितीत राशीनुसार उपाय केल्यास भगवान शंकराची कृपा सदैव तुमच्यावर राहील. या उपायांबद्दल जाणून घ्या.

मेष
या राशीच्या लोकांनी या दिवशी भगवान शंकराला कच्चे दूध आणि दह्याने अभिषेक करावा. यासोबतच त्यांना काळे तीळ अर्पण करावेत. 'ओम नमः शिवाय' मंत्राचा किमान एक फेरा जप करा.

वृषभ
भगवान शिवाचा आशीर्वाद मिळविण्यासाठी वृषभ राशीच्या लोकांनी सोमवती अमावस्येच्या दिवशी शिवलिंगावर जल अर्पण करावे. यानंतर चंदनाचा टिळा लावा. त्यानंतर बेलपत्र किंवा शमीपत्र भगवान शंकराला अर्पण करा.

मिथुन
सोमवती अमावस्येच्या दिवशी मिथुन राशीच्या लोकांनी शिवलिंगावर मधाचा अभिषेक करावा. यासोबतच 'ओम नमः शिवाय कालं महाकाल कालं कृपालम ओम नमः' या मंत्राचा जप करावा.

कर्क
कर्क राशीच्या लोकांनी या दिवशी शनिदेवाला मोहरीचे तेल अर्पण करावे, त्यासोबत ‘ओम चंद्रमौलेश्वर नमः’ मंत्राचा जप करावा.

 

सिंह
सिंह राशीच्या लोकांनी आज शिवलिंगावर शुद्ध तुपाचा अभिषेक करावा आणि 'ओम नमः शिवाय कालं महाकालं कृपालम ओम नमः' या मंत्राचा जप करावा.

कन्या 
कन्या राशीच्या लोकांनी सोमवती अमावस्येच्या दिवशी पिंपळाच्या झाडाला गंगाजल, साखर, तांदूळ, फुले इत्यादी अर्पण करावे. यामुळे जीवनातील सर्व संकटे दूर होतील.

तूळ
तूळ राशीच्या लोकांनी सोमवती अमावस्येच्या दिवशी शिवाची पूजा करताना दही आणि उसाचा रस अर्पण करावा. यामुळे जीवनात सुख-शांती येईल.

वृश्चिक
वृश्चिक राशीच्या लोकांनी भोलेनाथाची कृपा प्राप्त करण्यासाठी शिवलिंगावर गंगाजल आणि दूध साखर मिसळून अर्पण करावे.

धनु
सोमवती अमावस्येच्या दिवशी भगवान शंकराचा आशीर्वाद मिळविण्यासाठी धनु राशीच्या लोकांनी कच्च्या दुधात केशर, गूळ, हळद मिसळून अभिषेक करावा.

 

मकर
मकर राशीच्या लोकांनी सोमवती अमावस्येच्या दिवशी शिवलिंगावर नारळ जल अर्पण करावे. यासोबत रुद्राक्षाच्या जपमाळेने 'ओम हौम ओम जुन स:' या मंत्रांचा जप करावा.

कुंभ
कुंभ राशीच्या लोकांनी या दिवशी शिवलिंगावर तूप, मध आणि बदामाच्या तेलाचा अभिषेक करावा. असे केल्याने मनोकामना पूर्ण होतात.

मीन
मीन राशीच्या लोकांनी सोमवती अमावस्येला कच्चं दूध, केशर आणि गंगेच्या पाण्याने भगवान शंकराची पूजा करावी. यानंतर खऱ्या मनाने शिवाची पूजा करा, तुमच्या सर्व मनोकामना पूर्ण होतील.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

इतर बातम्या