Shani Dev : आज 6 जानेवारी हा 2024 वर्षाचा पहिला शनिवार असून या दिवशी सर्वार्थ सिद्धी नावाचा अत्यंत शुभ योग तयार होत आहे. ज्योतिषशास्त्रानुसार, शनिवारी काही खास उपाय केल्यास आपल्यावर  शनिदेवाची (Shani) शुभदृष्टी राहते आणि साडेसातीपासून मुक्तीही मिळते.


सर्व दुःखांपासून मुक्ती आणि धनलाभासाठी सूर्यपुत्र शनिदेवाची पूजा करावी. शास्त्रात शनिदेवाला भाग्य घडवणारा असं मानलं जातं. शनिवारी काही उपाय केल्याने व्यक्तीला प्रत्येक त्रासापासून मुक्ती मिळते आणि शनिदेवाची कृपा कायम राहते. 2024 वर्षाच्या पहिल्या शनिवारी कोणते उपाय करावे? जाणून घेऊया. 


या उपायाने दूर होतील सर्व अडथळे


वर्ष 2024 च्या पहिल्या शनिवारी शनिदेवाची पूजा केल्यानंतर काळ्या कुत्र्यांना आणि काळ्या गायींना भाकरी खाऊ घालावी आणि कावळे आणि पक्ष्यांना खाऊ घालावे. तसेच गरीब आणि गरजू लोकांना तेलाचे पदार्थ खायला द्यावेत, असे केल्याने जीवनात सुरू असलेले सर्व अडथळे दूर होतात आणि शनिदेवाची कृपाही राहते.


या उपायाने उजळेल नशीब


वर्ष 2024 च्या पहिल्या शनिवारी प्रदोष काळात शनि मंदिरात बसून मन एकाग्र करा आणि शनी स्त्रोताचे 11 वेळा पठण करा. तसेच पहिल्या शनिवारी शनी किंवा शिवमंदिरात लोखंडी त्रिशूल दान करावे, असे केल्याने तुमचे नशीब उजळते आणि साडेसतीपासूनही मुक्ती मिळते. शनिवारी शनि स्त्रोताचे पठण केल्याने शनिदोषही दूर होतो.


या उपायामुळे नोकरी-व्यवसायात प्रगती होईल


वर्ष 2024 च्या पहिल्या शनिवारी संध्याकाळी पिंपळाच्या झाडाखाली चौमुखी दिवा लावावा. तसेच उडीद डाळीपासून खिचडी बनवून शनि मंदिरात नेऊन शनिदेवाला अर्पण करून भिकाऱ्यांना खिचडी खायला द्यावी, असे केल्याने शनिदेवाच्या आशीर्वादाने नोकरी-व्यवसायात चांगली वाढ होऊन धन-ऐश्वर्य प्राप्त होते.


शनिवारी या उपायाने दूर होतील अडथळे


तुमच्या कोणत्याही कामात अडथळा येत असेल तर 2024 वर्षाच्या पहिल्या शनिवारी काळ्या कुत्र्याला मोहरीच्या तेलापासून बनवलेली चपाती द्या. असे केल्याने तुमची सर्व कामं सहज पूर्ण होतील आणि तुम्हाला मेहनतीचे शुभ फळ मिळेल. तसेच शनिवारी काळे कपडे परिधान केल्याने शनिदेव प्रसन्न होतात आणि जीवनात आनंद येतो.


शनिवारी केलेल्या या उपायाने दूर होतील सर्व दोष


2024 मध्ये शनिदेवाला प्रसन्न करण्यासाठी हनुमानाची पूजा करणे उत्तम मानले जाते. यासाठी मंगळवार आणि शनिवारी सुंदरकांडाचे पठण करून हनुमानजींना अर्पण करावे. असे केल्याने शनीचे सर्व दोष दूर होतात आणि अत्यंत कठीण परिस्थितीतूनही तुम्ही सहज बाहेर पडू शकता.


शनिवारच्या या उपायाने शनिदेव होतील प्रसन्न


2024 वर्षाच्या पहिल्या शनिवारी शनि मंदिरात मोहरीचे तेल दान करणे चांगले मानले जाते. एका वाटीत मोहरीचे तेल घेऊन ते शनि मंदिरात अर्पण करा. मोहरीचे तेल कमीत कमी 250 ग्रॅम असावे हे लक्षात ठेवा, असे केल्याने शनिदेवाची विशेष कृपा प्राप्त होते.


(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)


हेही वाचा: 


Shani : 2024 मध्ये शनीची 'या' 4 राशींवर असणार विशेष कृपा; नोकरी-व्यवसायात मिळणार सफलता