Numerology : रहस्यमय आणि आत्मनिर्भर असतात 'या' जन्मतारखेचे लोक; शांतीत क्रांती घडविण्याचा असतो यांचा स्वभाव

Numerology Of Mulank 7 : अंकशास्त्रानुसार, प्रत्येक व्यक्तीचे व्यक्तिमत्व मूलांक क्रमांकावरून ओळखले जाऊ शकते.

Numerology Of Mulank 7

Numerology Of Mulank 7 : अंकशास्त्रात (Numerology) प्रत्येक संख्येला, अंकाला विशेष महत्त्व देण्यात आलं आहे. अंकशास्त्र (Ank Shastra) हे पूर्णपणे मूलांकावर आधारित आहे. अंकशास्त्रात, प्रत्येक संख्येचं स्वतःचं असं एक वैशिष्ट्य असतं. यामध्ये काही मूलांकांच्या लोकांना खूप भाग्यवान मानले जाते. यामध्ये मूलांक (Mulank) क्रमांक 7 असलेले लोक खूप भाग्यवान मानले जातात. कोणत्याही महिन्याच्या 7, 16, 25 तारखेला जन्मलेल्या लोकांची मूळ संख्या 7 असते. चला जाणून घेऊया या मूलांकांशी संबंधित काही खास गोष्टी.

आपल्या भावना पटकन कोणाला सांगत नाहीत

ज्योतिषशास्त्रात 7 क्रमांकाचा संबंध गुरु ग्रहाशी थेट जोडला आहे. असं म्हणतात की, 7 क्रमांकाचे लोक फार रहस्यमय, अंतर्मुख आणि बुद्धिमान स्वभावाचे असतात. ते त्यांचे विचार सहजासहजी कोणाशीही शेअर करत नाहीत. तसेच, अनेकदा असे लोक आपले विचार आणि भावना लपवून ठेवतात. या लोकांना त्यांचे आयुष्य खाजगी ठेवायला आवडतं. आपल्या भावना उघडपणे एखाद्यासमोर शेअर करणं यांना सोयीचं वाटत नाही. 

अंतर्मुख स्वभावाचे असतात

मूलांक 7 असणारे लोक शांत आणि अंतर्मुख स्वभावाचे असतात. या लोकांना एकटं राहणं आवडतं. तसेच, या मूलांकाचे लोक फार बुद्धिमान आणि जिज्ञासू स्वभावाचे असतात. कोणत्याही पद्धतीने ज्ञान मिळविणं यांना फार आवडतं. त्यासाठी ते फार उत्साही असतात. हे लोक कोणतीही समस्या खोलवर समजून घेण्यास सक्षम असतात. या लोकांना अध्यात्मात विशेष रुची असते. हे लोक जीवनाचा सखोल अर्थ समजून घेण्याचा प्रयत्न करतात.

स्वतंत्र आणि स्वावलंबी

7 क्रमांकाचे लोक स्वातंत्र्य आणि स्वावलंबनाला महत्त्व देतात आणि कोणावरही अवलंबून राहणे त्यांना आवडत नाही. या मूलांकाचे लोक सर्जनशील आणि कल्पनाशील असतात आणि अनेकदा नवीन कल्पना घेऊन येतात. हे लोक आपल्या कुटुंबासाठी खूप भाग्यवान सिद्ध होतात. हे लोक लहानपणापासूनच अभ्यासात खूप वेगवान असतात. हे लोक अनेकदा परीक्षेत टॉप करतात. आपल्या मेहनतीच्या जोरावर हे लोक आपल्या कुटुंबाला वैभव मिळवून देतात.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: