Numerology : प्रचंड रडके असतात 'या' जन्मतारखेचे लोक; मनासारखी गोष्ट घडली नाही की होतो संताप, धीर धरणं तर यांना जमतच नाही

Numerology : अंकशास्त्रानुसार या जन्मतारखेचे लोक स्वभावाने फार रडके असतात. छोट्या-छोट्या गोष्टींवरुन रडारड करण्याची सवय यांना असते.

Numerology Mulank 2

Source : ABPLIVE AI

Numerology Mulank 2 : अंकशास्त्रात (Ank Shastra) प्रत्येक मूलांकाबद्दल काही विशिष्ट गोष्टी सांगण्यात आलेल्या आहेत. यामध्ये मूलांक 2 असलेल्या लोकांची देखील काही खास वैशिष्ट्यं सांगितली गेली आहेत. अंकशास्त्रानुसार, कोणत्याही महिन्याच्या 2, 11, 20 किंवा 29 तारखेला जन्मलेल्या लोकांचा मूलांक 2 असतो.

मूलांक 2 चे लोक प्रचंड रडके असतात, त्यांच्या मनासारखी गोष्ट झाली नाही की ते चिडचिड करतात. ते हळव्या स्वभावाचे देखील असतात. मूलांक 2 चा शासक ग्रह चंद्र (Moon) आहे, त्यामुळे स्वभावाने ते चंद्रासारखेच कोमल असतात. 2, 11, 20 किंवा 29 जन्मतारखेचे लोक अत्यंत हळवे आणि साध्या मनाचे असतात. मूलांक 2 शी संबंधित आणखी काही खास गोष्टी जाणून घेऊया.

प्रचंड रडके असतात या जन्मतारखेचे लोक

कोणत्याही महिन्याच्या 2, 11, 20 किंवा 29 तारखेले जन्मलेले लोक हे अत्यंत रडके असतात. नको त्या गोष्टींवर रडारड करण्याची सवय यांना असते. एखादी गोष्ट बिनसली की यांच्या अश्रूंना बांध फुटतो. कधीकधी एकट्यातच रडत बसण्याची वाईट सवय यांना असते. हे लोक वायफळ गोष्टींचं टेन्शन घेऊन स्वत:ला त्रास करुन घेतात.

स्वभावाने असतात हट्टी

मूलांक 2 चे लोक हट्टी असतात. प्रत्येक गोष्ट आपल्या मनासारखीच झाली पाहिजे, असा हट्ट त्यांचा असतो. आपल्याला हवं तसं झालं नाही की ते नाराज होतात. जे हवं ते मिळवण्याची जिद्द त्यांच्यात असते, पण कधी-कधी त्यांच्या प्रयत्नांना यश येत नाही.

एकदम पटकन होतात भावूक

वास्तविक, मूलांक 2 चा स्वामी चंद्र आहे. चंद्रामुळेच ते थोडे भावूक होतात. हे लोक प्रचंड हळव्या मनाचे असतात, त्यामुळे त्यांना कधीकधी मोठे निर्णय घेण्यात अडचणी येतात. समोरचा व्यक्ती एखाद्या संकटात असेल तर यांना लगेच भरुन येतं आणि मदतीसाठी ते पुढे सरसावतात. छोट्या-छोट्या गोष्टींवरुन यांना लगेच रडायला येतं, कोणालाही दु:खात ते बघू शकत नाहीत.

कामात अपयश आल्यास लगेच होतात निराश

2, 11, 20 किंवा 29 जन्मतारखेच्या लोकांना एखाद्या कामात यश न मिळाल्यास ते लगेच निराश होतात. त्यांना अपेक्षित असलेली गोष्ट झाली नाही तर ते लगेच खचून जातात आणि पुन्हा उभारी घेण्यासाठी त्यांना वेळ लागतो.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: