Maghi Ganesh Jayanti 2025: भगवान गणेश हिंदू धर्मातील सर्वात लोकप्रिय आणि आदरणीय देवतांपैकी एक आहे. ते ज्ञान, भाग्य आणि समृद्धीचे स्वामी आहेत. श्रीगणेशाची आराधना केल्यानंतर प्रत्येक शुभ कार्याला सुरुवात होते. गणपती, विघ्नहर्ता, विनायक आणि एकदंत अशा वेगवेगळ्या नावांनी भक्त श्री गणेशाला ओळखतात. त्याच गणेशाचे घरोघरी आगमन होणार असून भाविक त्याची आतुरतेने वाट पाहत आहेत. वैदिक हिंदू दिनदर्शिकेनुसार, गणेश जयंती दरवर्षी माघ महिन्याच्या शुक्ल पक्षाच्या चतुर्थी तिथीला साजरी केली जाते. याला विनायक चतुर्थी तसेच वरद चतुर्थी असेही म्हणतात. शास्त्रानुसार असे मानले जाते की, या दिवशी भगवान शिव आणि देवी पार्वतीचा पुत्र गणेशाचा जन्म झाला होता. त्यामुळे ही गणेश जयंती म्हणून साजरी केली जाते. या दिवशी गणपतीची यथायोग्य पूजा केल्याने सर्व प्रकारच्या समस्यांपासून मुक्ती मिळते आणि सुख-समृद्धी प्राप्त होते, अशी मान्यता आहे. यंदा चतुर्थी तिथी अवघ्या काही दिवसांवर असल्याने गणेश जयंती कोणत्या दिवशी साजरी करण्यासाठी शुभ राहील? याबाबत संभ्रम निर्माण झाला आहे. गणेश जयंतीच्या निषिद्ध चंद्र दर्शनाची शुभ वेळ, तिथी, मंत्र, वेळ आणि महत्त्व जाणून घेऊया.
माघी गणेश जयंती 2025 नेमकी कधी आहे?
चतुर्थी तिथी सुरू- 1 फेब्रुवारी 2025 रोजी सकाळी 11:38 वाजेपासून
चतुर्थी तिथी संपेल - 02 फेब्रुवारी 2025 रात्री 09:14 पर्यंत
गणेश जयंती 2025 चा शुभ मुहूर्त
गणेश पूजा मुहूर्त 11:38 ते 13:34 कालावधी 01 तास 57 मिनिटे
निषिद्ध चंद्र दर्शन वेळ, या वेळेत चुकूनही चंद्राकडे पाहू नये..
गणेश जयंतीच्या दिवशी चंद्राकडे पाहण्यास मनाई आहे. या दिवशी निर्धारित कालावधीत चंद्र दिसल्याने चोरीचा आळ येतो असे मानले जाते. त्यामुळे या दिवशी सकाळी 08:52 ते 21:01 पर्यंत चंद्र पाहू नये. निषिद्ध कालावधी - 12 तास 08 मिनिटे
गणेश जयंती 2025 दिनी शुभ योग..
वैदिक दिनदर्शिकेनुसार गणेश जयंतीला परीघ योगासह शिव आणि रवि योग तयार होत आहेत. या दिवशी परिघ योग दुपारी 12.24 पर्यंत राहील. यानंतर शिवयोग सुरू होईल. यासोबतच सकाळी 7.09 वाजल्यापासून रवियोग तयार होत असून, जो 2 फेब्रुवारीला दुसऱ्या दिवशी पहाटे 2.33 पर्यंत राहील.
गणेश जयंती 2025 रोजी भद्राचं सावट?
गणेश जयंतीच्या दिवशी भद्राची सावली रात्री 10.26 वाजता दिसेल, जी 2 फेब्रुवारीला सकाळी 7.09 पर्यंत आहे.
गणेश जयंती 2025 चे महत्व
पौराणिक मान्यतेनुसार, देवी पार्वतीने शेणाच्या पोळीपासून गणेशाची निर्मिती केली होती. या दिवशी भगवान गणेशाचा जन्म झाला. श्रीगणेशाची यथोचित उपासना केल्याने शुभ फल प्राप्त होते आणि जीवनातील सर्व दु:ख दूर होतात. यामुळे जीवनात शुभ परिणाम येतात आणि अडथळ्यांपासून मुक्ती मिळते. या दिवशी चंद्रदर्शन निषिद्ध आहे. माघ शुक्ल चतुर्थी, गणेश चतुर्थी आणि वरद चतुर्थी म्हणूनही ओळखले जाते.
गणेश जयंतीला गणेशाच्या या मंत्रांचा जप करा
-ॐ गं गणपतये नमः
-ॐ श्रीं गं सौभ्याय गणपतये वर वरद सर्वजनं मे वशमानय स्वाहा
-ॐ हस्ति पिशाचि लिखे स्वाहा
-ॐ गं क्षिप्रप्रसादनाय नमः
-ॐ गणेश ऋणं छिन्धि वरेण्यं हुं नमः फट
-गजाननाय विद्महे, वक्रतुण्डाय धीमहि, तन्नो दंती प्रचोदयात्
-श्री वक्रतुण्ड महाकाय सूर्य कोटी समप्रभा निर्विघ्नं कुरु मे देव सर्व-कार्येशु सर्वदा
-गणपतिर्विघ्नराजो लम्बतुण्डो गजाननः
-विघ्नेश्वराय वरदाय सुरप्रियाय लंबोदराय सकलाय जगद्धितायं
-अमेयाय च हेरंब परशुधारकाय ते। मूषक वाहनायैव विश्वेशाय नमो नमः