Libra Weekly Horoscope 15 To 21 July 2024 : हिंदू कॅलेंडरनुसार, जुलै (July) महिन्यातला तिसरा आठवडा लवकरच सुरु होणार आहे. हा नवीन आठवडा तूळ राशीसाठी नेमका कसा असणार आहे? तूळ राशीचं करिअर, शिक्षण, लव्ह लाईफ आणि आरोग्याच्या दृष्टीने नवीन आठवडा तूळ राशीसाठी लाभदायी असणार आहे की नाही? हे जाणून घेण्यासाठी तूळ राशीचे साप्ताहिक राशीभविष्य (Weekly Horoscope) जाणून घ्या.
तूळ राशीच्या लोकांची लव्ह लाईफ (Libra Love Horoscope)
तूळ राशीच्या लोकांची लव्ह लाईफ चांगली राहणार आहे. तुमच्या जोडीदाराबरोबर तुमचा वेळ चांगला जाईल. तसेच, तुमच्या एक्सशी तुमचे अजूनही काही संबंध असतील तर त्यापासून दूर राहण्याचा प्रयत्न करा. अन्यथा त्याचा तुम्हालाच त्रास होऊ शकतो. तुमच्या वैवाहिक आयुष्यात देखील तुम्हाला अनेक चढ-उतारांचा सामना करावा लागेल.
तूळ राशीचे करिअर (Libra Career Horoscope)
नवीन आठवड्याच्या सुरुवातीचा काळ तुमच्यासाठी चांगला असणार आहे. तुमच्या करिअरमध्ये तुमची चांगली प्रगती पाहायला मिळेल. कामाच्या ठिकाणी नवीन माणसांशी ओळख होईल. वरिष्ठ अधिकाऱ्यांचा तुम्हाला चांगला पाठिंबा मिळेल. प्रगतीसाठी अनेक मार्ग तुमच्यासमोर खुले होतील. तसेच, तुमच्या टॅलेंटच सर्वत्र कौतुक होईल. मित्रांच्या सहकार्याने तुम्हाला करिअरच्या अधिक वाटा मोकळ्या होतील.
तूळ राशीची आर्थिक स्थिती (Libra Wealth Horoscope)
नवीन आठवड्यात तूळ राशीच्या लोकांची आर्थिक स्थिती चांगली असणार आहे. तुमच्यासाठी उत्पन्नाचे अनेक नवीन मार्ग खुले होतील. आर्थिक बाबतीत तुम्ही फार भाग्यशाली असाल. तुम्हाला नवीन वाहन, प्रॉपर्टी विकत घ्यायची असेल तर त्यासाठी हा काळ फार शुभ असणार आहे. तसेच जर तुम्हाला गुंतवणूक करायची असेल तर संध्याकाळपर्यंतचा काळ स्टॉक मार्केटमध्ये गुंतवणुकीसाठी चांगला आहे.
तूळ राशीचे आरोग्य (Libra Health Horoscope)
नवीन आठवड्यात तुम्ही तुमच्या आरोग्यावर जास्त लक्ष केंद्रित करणं गरजेचं आहे. नवीन व्यायामाचा आपल्या दैनंदिन आयुष्यात समावेश करा. तसेच, हेल्दी डाएट खा. शारिरीक स्वास्थ्याबरोबरच मानसिक स्वास्थ्याचीही काळजी घ्या. यामुळे तुमचा आत्मविश्वास अधिक वाढेल तसेच कामातही तुमचं लक्ष लागेल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :