Libra Weekly Horoscope 10 To 16 June 2024 : राशीभविष्यानुसार, नवीन आठवडा काही लोकांसाठी चांगले, तर काहींसाठी वाईट परिणाम आणू शकतो. नवीन आठवड्यात कोर्ट केसेसमधून दिलासा मिळू शकतो. काही प्रकरण आधीच प्रलंबित असल्यास ती सोडवली जातील. पण आठवड्याच्या शेवटी काही गोष्टीमुळे तुम्ही काळजीत पडाल. तसेच तूळ राशीच्या लोकांना गाडी चालवताना काळजी घ्यावी लागणार आहे. तूळ राशीच्या लोकांसाठी हा आठवडा व्यवसाय, आरोग्य, नातेसंबंध आणि प्रेमासाठी किती खास असणार आहे? तूळ राशीचे साप्ताहिक राशीभविष्य (Weekly Horoscope) जाणून घ्या.
तूळ राशीचे प्रेमसंबंध (Libra Love Life Horoscope)
तूळ राशीच्या लोकांसाठी नवीन आठवडा फार शुभ आणि चांगले परिणाम देणारा आहे. आठवड्याची सुरुवात तुमची फार चांगली असणार आहे. या आठवड्यात तुमच्या प्रिय व्यक्तीच्या घरी येण्याने तुम्हाला खूप आनंद होईल. आठवड्याच्या उत्तरार्धात तुम्ही तुमच्या कुटुंबीयांबरोबर बाहेर फिरायला जाऊ शकता. तसेच, एखाद्या धार्मिक स्थळाला भेट देऊ शकता. जोडीदाराबरोबर तुमचे संबंध फार सामंजस्याचे असतील.
तूळ राशीचे करिअर (Libra Career Horoscope)
या आठवड्यात तुमचे सगळे स्वप्न साकार होतील. तुमच्या करिअरमध्ये तुम्हाला चांगलं यश मिळेल. ऑफिसमध्ये सहकाऱ्यांबरोबर तसेच, बॉसबरोबर तुमचा व्यवहार चांगला असेल. सहकाऱ्यांचा पाठिंबा तुम्हाला मिळेल. व्यापारी वर्गातील लोकांची देखील चांगली कमाई होईल. तसेच, नवीन लोकेशनच्या ठिकाणी तुमच्या व्यवसायात चांगली भरभराट होईल.
तूळ राशीची आर्थिक स्थिती (Libra Wealth Horoscope)
या आठवड्यात आर्थिक बाबतीत तुमचा आठवडा फार लकी असणार आहे. भौतिक सुख-सुविधांचा तुम्हाला लाभ घेता येईल. तसेच, तुम्हाला घरातील एखादी नवीन वस्तू विकायची असल्यास तुम्ही विचार करू शकता. जर तुम्हाला सोन्याची वस्तू खरेदी करायची असेल तर आजचा दिवस चांगला आहे. हा आठवडा दान-पुण्य करण्यासाठी चांगला आहे.
तूळ राशीचे आरोग्य (Libra Health Horoscope)
या आठवड्यात तुम्हाला तब्येतीच्या छोट्या-मोठ्या तक्रारी जाणवतील. पण, तुमच्या दैनंदिन आयुष्यात याचा फरक पडणार नाही. काही लोकांना झोपेशी संबंधित समस्या जाणवू शकतात. यासाठी कोणत्याही गोष्टीचा अतिताण घेऊ नका. तसेच, तुमची औषधं वेळेवर घ्या.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :