Leo Weekly Horoscope 25 Feb To 2 March 2024: दैनंदिन राशिभविष्य रोजच्या घडामोडींचे अंदाज देते, तर साप्ताहिक राशिभविष्य आठवड्याचा अंदाज असतो. फेब्रुवारीचा शेवटचा आठवडा 25 फेब्रुवारी ते 2 मार्च दरम्यान असणार आहे. या आठवड्याला सुरुवात झाली आहे. हा आठवडा सिंह (Leo Weekly Horoscope) राशीसाठी आरोग्य, आर्थिक आणि कौटुंबिक बाबतीत कसा जाईल हे आम्ही तुम्हाला ज्योतिषशास्त्रानुसार सविस्तरपणे सांगणार आहोत
सिंह राशीचे लव्ह लाईफ(Leo Love Horoscope)
सिंह राशीच्या लोकांसाठी हा आठवडा प्रेमसंबंधांसाठी थोडा तणावपूर्ण असू शकतो. तुमच्या नात्यात अहंकार येऊ देऊ नका. चर्चेतून गैरसमज दूर करा. जर तुम्हाला तुमचं प्रेम कोणावर व्यक्त करायचं असेल तर तुम्ही योग्य वेळेची वाट पाहावी, अन्यथा प्रकरण बिघडू शकते.
सिंह राशीची आर्थिक स्थिती (Leo Wealth Horoscope)
सिंह राशीच्या लोकांना या आठवड्यात पैसे कमावण्याच्या अनेक संधी मिळतील. तुमच्या मेहनतीमुळे तुम्हाला नव्या संधी मिळतील ज्याच्या मदतीने तुम्ही पैसे कमवू शकता. मात्र, गुंतवणुकीच्या बाबतीत सावधगिरी बाळगावी लागेल. जर तुम्ही या आठवड्यात कुठेतरी गुंतवणूक करण्याचा विचार करत असाल, विशेषत: प्रॉपर्टी आणि शेअर मार्केटमध्ये, तर नीट विचार करूनच अंतिम निर्णय घ्या.
सिंह राशीचे करिअर (Leo Career Horoscope)
या आठवड्यात तुम्हाला तुमच्या मित्रांकडून सहकार्य मिळेल. मात्र, कुटुंबातील सदस्यांशी मतभेद होऊ शकतात. अशा परिस्थितीत विचारपूर्वक आपले मत मांडण्याचा प्रयत्न करावा लागेल. कामाच्या ठिकाणी आपल्या जबाबदाऱ्या चांगल्या प्रकारे पार पाडण्याचा प्रयत्न करा. भविष्यात तुम्हालाही याचा लाभ मिळेल.
सिंह राशीचे आरोग्य (Leo Health Horoscope)
या आठवड्यात तुम्हाला तुमच्या तब्येतीची काळजी करण्याची गरज नाही. ज्योतिष शास्त्रानुसार तुमचे आरोग्य चांगले राहील. दीर्घकाळ चाललेल्या आरोग्याच्या समस्यांपासून तुम्हाला आराम मिळेल. एकूणच आरोग्याच्या दृष्टीने आठवडा चांगला जाईल. या राशीच्या वृद्ध लोकांना गुडघे आणि हाताशी संबंधित समस्यांपासून आराम मिळू शकतो. आरोग्याची काळजी घ्या. रोज व्यायाम करा. आरोग्याच्या समस्येकडे दुर्लक्ष करू नका.हेल्दी आहार घ्या.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हे ही वाचा :