Janmashtami 2024 : यंदाच्या जन्माष्टमीला 'अशी' करा भगवान श्री कृष्णाची पूजा; जाणून घ्या पूजेची सोपी पद्धत आणि विधी

Janmashtami 2024 : यंदा जन्माष्टमीचा उत्सव उद्या म्हणजेच 26 ऑगस्ट रोजी साजरा केला जाणार आहे. त्यामुळे भगवान श्री कृष्णाची पूजा कशी करावी.

Janmashtami 2024

Source : ABP Web Team

Janmashtami 2024 : जन्माष्टमीचा पवित्र सण श्रीकृष्णाच्या जन्मदिनी (Janmashtami 2024) साजरा केला जातो. पौराणिक कथेनुसार, द्वापर युगात श्रावण महिन्यातील कृष्ण पक्षातील अष्टमी तिथीला रोहिणी नक्षत्रात श्रीकृष्णाचा जन्म झाला. त्यामुळे या दिवशी जन्माष्टमीचा उत्सव साजरा केला जातो. या दिवशी लोक उपवास करतात आणि रात्री बाळ श्रीकृष्णाच्या जन्मानंतर विधीवत पूजा करतात. हा सण मथुरा आणि वृंदावनसह जगभरात मोठ्या थाटामाटात साजरा केला जातो.

त्यानुसार, यंदा जन्माष्टमीचा उत्सव उद्या म्हणजेच 26 ऑगस्ट रोजी साजरा केला जाणार आहे. त्यामुळे भगवान श्री कृष्णाची पूजा कशी करावी आणि पूजेचा शुभ मुहूर्त काय या संदर्भात अधिक माहिती जाणून घेऊयात.  

जन्माष्टमीची पूजा कशी करावी? 

• जन्माष्टमीच्या दिवशी सकाळी लवकर उठून स्नान करावे. तसेच, भगवान श्रीकृष्णाच्या मंदिरात जाऊन दर्शन घ्यावे. 
• श्रीकृष्णाचं दर्शन करताना त्यांना मोरपंख चढवा. 
• जर काही कारणास्तव तुम्हाला मंदिरात जाणं शक्य नसेल तर तुम्ही घरीच  भगवान श्री कृष्णाच्या फोटोला मोरपंख अर्पण करु शकता. 
• या दिवशी भगवान श्री कृष्णाला पिवळ्या रंगाचे वस्त्र परिधान करा. तसेच, श्रीकृष्णाला श्रृंगार अर्पण करा. 
• संपूर्ण दिवस भगवान श्री कृष्णाची पूजा, आराधना करा. 
• तसेच, मधल्या वेळेत ‘कृं कृष्णाय नम:’ असा भगवान श्री कृष्णाच्या नामाचा जप करा. 
• रात्री 12 वाजता पूजेच्या आधी पुन्हा स्नान करा. 
• त्यानंतर दक्षिणावर्ती शंखाने भगवान कृष्णला पंचामृताने अभिषेक करा. 
• या दरम्यान तुम्ही देवाकडे मनातील इच्छा मागू शकता.
• त्यानंतर भगवान श्री कृष्णाची परिवारासह आरती करा. 
• त्यानंतर देवाला प्रसाद चढवून सर्वांना प्रसाद द्या.  

जन्माष्टमी 2024 कधी आहे? (Janmashtami 2024 Date)

यंदा 26 ऑगस्टला जन्माष्टमी साजरी केली जाणार आहे. यावर्षी श्रावण कृष्ण अष्टमी तिथी 26 ऑगस्ट रोजी पहाटे 3 वाजून 39 मिनिटांनी सुरू होत आहे. 27 ऑगस्टला पहाटे 2 वाजून 20 मिनिटांनी अष्टमी तिथी संपेल. 

जन्माष्टमी 2024 शुभ मुहूर्त (Janmashtami 2024 Puja Muhurta)

कृष्ण जन्माष्टमी पूजेची वेळ मध्यरात्री 12 ते 12.45 पर्यंत असेल. यंदा बाळगोपाळची पूजा करण्यासाठी 45 मिनिटांचा वेळ मिळणार आहे. तुम्हाला 27 ऑगस्टला सकाळी 11 वाजता उपवास सोडता येईल.

जन्माष्टमी 2024 पूजा मंत्र (Janmashtami 2024 Puja Mantra)

जन्माष्टमीला श्रीकृष्णाची पूजा करण्यासाठी तुम्ही दोन मंत्र वापरू शकता.

1. ओम नमो भगवते वासुदेवाय ।

2. ओम कृष्णाय वासुदेवाय गोविंदाय नमो नमः।

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

हेही वाचा: