Hindu Religion: महिलांनो ऐकलं का? रात्रीच्या वेळी चुकूनही 'ही' 5 कामं करू नका, अन्यथा आर्थिक संकट, आजार ओढावतील, हिंदू धर्मात म्हटलंय..

Hindu Religion: हिंदू धर्मात महिलांना लक्ष्मीचे रूप मानले जाते. या कारणास्तव, शास्त्रांनुसार, महिलांना रात्री काही कामे करणे निषिद्ध मानले जाते. 

Hindu Religion marathi news Women Do not do these 5 things at night otherwise

Source : google

Hindu Religion: आजकाल आपण पाहतो, अनेक स्त्रिया या चूल आणि मूल सांभाळून पुरूषांच्या खांद्याला खांदा लावून सर्व जबाबदाऱ्या यशस्वीरित्या पार पाडत आहेत. तसं पाहायला गेलं तर हिंदू धर्मात महिलांना देवी समान मानले जाते. शास्त्रांमध्येही स्त्रीला लक्ष्मी मानले आहे. ज्या घरात महिलांचा अनादर होतो, तिथे देवी लक्ष्मी कधीही वास करत नाही. यासोबतच, शास्त्रांमध्ये काही कामे सांगितली आहेत जी कोणत्याही महिलेने रात्री करू नयेत. कधी कधी कामाच्या गडबडीत किंवा कळत नकळत अशा काही गोष्टी महिलांच्या हातून घडतात, ज्यामुळे त्यांना समस्यांना तोंड द्यावे लागते. शास्त्रानुसार, असे मानले जाते की जर एखाद्या महिलेने रात्रीच्या वेळी या गोष्टी केल्या तर घरात नकारात्मकता वास करू लागते. यासोबतच, त्या महिलेला आजार आणि आर्थिक समस्यांनाही तोंड द्यावे लागू शकते. जाणून घेऊया अशी कोणती कामे आहेत जी कोणत्याही महिलेने रात्री करू नयेत?

महिलांनी रात्री 'हे' काम करू नये

हिंदू धर्मानुसार, महिलांनी रात्री घरातील कोणालाही दूध किंवा दही देऊ नये. असे मानले जाते की जर एखाद्या महिलेने रात्रीच्या वेळी तिच्या घरातील दूध किंवा दही दुसऱ्याला दिले तर तिच्या घरात आर्थिक संकट येते.

असे केल्याने शुक्र ग्रह कमकुवत होतो. यासोबतच, यामुळे देवी लक्ष्मीचा कोपही होतो. स्कंद पुराण आणि महाभारतातही याचा उल्लेख आहे.

कोणत्याही मुलीने किंवा महिलेने रात्री उघड्या केसांनी झोपू नये. असे केल्याने नकारात्मक ऊर्जा वर्चस्व गाजवू शकते. यासोबतच महिलेला अनेक प्रकारच्या आजारांना तोंड द्यावे लागू शकते.

स्त्रीने झोपताना रात्री कधीही डोक्याजवळ पाण्याची बाटली किंवा ग्लास घेऊन झोपू नये. असे केल्याने घरातील शांती आणि आनंद भंग होतो. यासोबतच समस्यांचा ढीगही निर्माण होतो.

रात्री मांस, कांदा, लसूण यांसारखे तामसिक अन्न खाऊ नये. आयुर्वेद आणि शास्त्रांमध्ये रात्री मांसाहारी अन्न खाण्यास मनाई आहे. यामुळे, तुमच्या आयुष्यात अनेक आजार येऊ शकतात. रात्री फक्त हलके आणि सात्विक अन्न घ्यावे.

रात्री घर झाडू नका. कचरा टाकावाच लागला तरी घराबाहेर अजिबात कचरा टाकू नका. असे केल्याने घरातील देवी लक्ष्मी निघून जाते. वास्तुशास्त्र आणि स्कंद पुराणात याचा उल्लेख आहे.

हेही वाचा..

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे.)