Budh Gochar 2024 : बुद्धी, विवेक, मधुर वाणी आणि सुख-समृद्धीचा दाता असा बुध ग्रह (Mercury) आज राशी परिवर्तन करणार आहे. याचा शुभ-अशुभ परिणाम मेष पासून ते मीनपर्यंत अशा सर्व 12 राशींवर होणार आहे. पंचागानुसार आज रात्री 08 वाजून 30 मिनिटांनी बुध ग्रह कर्क राशीतून सिंह राशीत प्रवेश करणार आहे. यामुळे काही राशींच्या जीवनात सकारात्मक बदल दिसून येतील. तसेच, करिअरमधील अडचणीही दूर होतील. चला तर जाणून घेऊयात बुधाच्या संक्रमणाचा कोणत्या राशींवर (Zodiac Signs) सकारात्मक परिणाम होणार आहे.
मेष रास (Aries Horoscope)
बुधाचं संक्रमण मेष राशीच्या लोकांसाठी फार शुभदायक असणार आहे. या राशीच्या लोकांच्या करिअरमध्ये चांगले बदल दिसून येतील. तुमची चांगली प्रगती होईल. वैवाहिक जीवनातही आनंद असेल. या काळात तुमची अनेक दिवसांपासून रखडलेली कामे पूर्ण होतील. घरात धार्मिक कार्याचं आयोजन केलं जाईल. समाजात मान-प्रतिष्ठा वाढेल.
वृषभ रास (Taurus Horoscope)
बुध ग्रहाचं संक्रमण वृषभ राशीच्या लोकांसाठी फार लाभदायक ठरणार आहे. या दरम्यान तुमच्या बिझनेसमध्ये तुम्हाला चांगला लाभ मिळेल. आर्थिक बाबतीत तुमची परिस्थिती चांगली असेल. कौटुंबिक जीवनातही उत्साह असेल. तुमच्या धन-संपत्तीत चांगली वाढ होईल.
मिथुन रास (Gemini Horoscope)
मिथुन राशीच्या लोकांना या काळात अनेक सकारात्मक बदल पाहायला मिळतील. तुमच्या मेहनतीचं तुम्हाला चांगलं फळ मिळेल.आयुष्यातील प्रत्येक टप्प्यावर तुमची मेहनत कामी येईल. फक्त वाणीत मधुरता ठेवा. तसेच, विनाकारण कोणाचा त्रागा करू नका. तसेच, आर्थिक समस्यांपासून तुमची सुटका होईल. धार्मिक कार्यात तुमची रुची वाढेल.
सिंह रास (Leo Horoscope)
बुधाच्या संक्रमणाने सिंह राशीच्या लोकांच्या करिअरमध्ये येणाऱ्या अडचणी दूर होतील. धन-संपत्तीच्या आगमनाने तुमच्या वाट्यातील अनेक अडथळे दूर होतील.भावा-बहीणीतील संबंध दूर होतील. मानसिक तणावापासून सुटका होईल.
धन-संपत्तीत चांगली वाढ होईल.
तूळ रास (Libra Horoscope)
बुध संक्रमणाचा तूळ राशीच्या लोकांवर फार शुभ परिणाम होणार आहे. तुमच्यामध्ये ऊर्जा आणि आत्मविश्वास भरभरून दिसेल. तसेच, तुमच्या तब्येतीत चांगली सुधारणा दिसून येईल. आर्थिक संकटांपासून तुमची सुटका होईल. त्याचप्रमाणे, मित्रांच्या सहकार्याने तुमची सगळी कामे पूर्ण होतील.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: