Shani Dev : ज्योतिष शास्त्रानुसार, शनीचं (Shani Dev) संक्रमण आणि सूर्यग्रहण या दोन्ही गोष्टी फार महत्त्वाच्या मानण्यात आल्या आहेत. सध्या शनी (Lord Shani) आपली स्वराशी म्हणजेच कुंभ राशीत विराजमान आहे. शनीला एका राशीतून दुसऱ्या राशीत संक्रमण करण्यासाठी तब्बल अडीच वर्षांचा कालावधी लागतो. त्यामुळे चालू वर्ष 2024 मध्ये शनीचं कोणतंही संक्रमण होणार नाही. तर, पुढच्या वर्षी म्हणजेच 2025 मध्ये शनी देवगुरु बृहस्पतीच्या मीन राशीत प्रवेश करणार आहे.
यासाठीच 2025 हे वर्ष फार महत्त्वाचं असणार आहे. त्यामुळे पुढच्या वर्षी शनी आणि सूर्य यांच्या एकत्र हालचालीचा तसेच, शनी संक्रमणाच्या दिवशीच सूर्यग्रहणाचा सर्व 12 राशींवर परिणाम होणार आहे. त्यामुळे याचा कोणत्या राशींना लाभ मिळणार आहे ते जाणून घेऊयात.
2025 मध्ये सूर्यग्रहण आणि शनीच्या संक्रमणाची तिथी
29 मार्च 2025 रोजी रात्री 11 वाजून 01 मिनिटांनी शनीचं राशी परिवर्तन होणार आहे. शनी कुंभ राशीतून निघून मीन राशीत प्रवेश करणार आहे. शनी मीन राशीत अडीच वर्ष असणार आहे. या दिवशी सूर्यग्रहण देखील लागणार आहे. मात्र, हे ग्रहण भारतात दिसणार नाही.
2027 मध्ये होणार शनीचं संक्रमण
2025 मध्ये मीन राशीत प्रवेश केल्यानंतर 03 जून 2027 रोजी गुरुवारच्या दिवशी शनी सकाळी 06 वाजून 23 मिनिटांनी मेष राशीत प्रवेश करणार आहे.
शनीच्या संक्रमणाने 'या' राशींना मिळणार लाभ
1. सिंह रास (Leo Horoscope)
सूर्यग्रहणाच्या दिवशी शनीचं होणारं संक्रमण सिंह राशीच्या लोकांसाठी फार अनुकूल असणार आहे. सिंह राशीचा स्वामी सूर्य आहे. त्यामुळे या राशीच्या लोकांना अनेक संकटांपासून मुक्ती मिळेल. तुमच्या साहस आणि पराक्रमात चांगली वाढ होईल.
शनीच्या शुभ प्रभावामुळे तुम्हाला प्रत्येक कामात यश मिळेल. कामाच्या ठिकाणी तुमच्या जबाबदारीत वाढ होईल. व्यापारात प्रगती होईल.
2. तूळ रास (Libra Horoscope)
शनीच्या संक्रमणाने तूळ राशीच्या लोकांना चांगलाच फायदा होणार आहे. शनीच्या कृपेने तुमच्या जीवनात खूप आनंद असेल. सगळ्या आर्थिक संकटांपासून तुमची सुटका होईल. मात्र, मार्च 2025 नंतर तुम्हाला फार मेहनत घ्यावी लागेल. तुमच्या व्यक्तिमत्त्वात सकारात्मक बदल दिसून येईल. फक्त आरोग्याची काळजी घ्या.
3. मीन रास (Pisces Horoscope)
मीन राशीच्या लोकांसाठी शनीचं राशी परिवर्तन फार सुखकारक असणार आहे. या काळात तुमच्या भौतिक सुख-समृद्धीत चांगली वाढ होईल. उत्पन्नाचे नवीन मार्ग तुमच्यासमोर खुले होतील. तसेच, अनेक दिवसांपासून रखडलेले काम तुम्ही पूर्ण करू शकाल. पैशांची चांगली गुंतवणूक कराल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: