Panchang 10 August 2024 : आज शनिवारी, 10 ऑगस्ट रोजी चंद्र तूळ राशीत जाणार आहे. तूळ राशीत चंद्राचं आगमन झाल्यानंतर दुपारनंतर बृहस्पति चंद्रापासून आठव्या भावात आल्याने अधियोग तयार होत आहे. तसेच आज श्रावण मासातील शुक्ल पक्षातील षष्ठी तिथी असून या दिवशी अधियोगासोबतच साध्य योग, शुभ योग आणि चित्रा नक्षत्र यांचा शुभ संयोग होत असल्याने आजचं महत्त्व वाढलं आहे. आज बनत असलेल्या शुभ योगांचा 5 राशींना फायदा होणार आहे, या भाग्यवान राशी (Zodiac Signs) नेमक्या कोणत्या? जाणून घेऊया.
वृषभ रास (Taurus)
वृषभ राशीच्या लोकांसाठी आजचा दिवस उत्साहाचा असणार आहे. आज शनिदेवाच्या कृपेने वृषभ राशीच्या लोकांना सर्व अडचणींतून मुक्ती मिळेल. आज तुम्हाला तुमच्या प्रियकराकडून एक सरप्राईज गिफ्ट मिळू शकेल, ज्यामुळे नात्यात नवीन ऊर्जा येईल आणि तुमची लव्ह लाईफ आनंदी होईल. आज तुम्हाला कोणत्याही मालमत्तेच्या खरेदी-विक्रीतून नफा मिळण्याची शक्यता आहे. रोजगाराच्या शोधात असलेल्या तरुणांना आज चांगली बातमी मिळेल आणि त्यांना त्यांच्या कामासंदर्भात प्रवासही करावा लागू शकतो. आज शनिदेवाच्या आशीर्वादाने कुटुंबात सुख-शांती नांदेल.
कर्क रास (Cancer)
कर्क राशीच्या लोकांसाठी आजचा दिवस खूप खास असणार आहे. कर्क राशीचे लोक आयुष्याच्या प्रत्येक क्षेत्रात नशिबाच्या साथीने आज चांगलं यश मिळवू शकतील. आज नोकरदारांना सहकाऱ्यांची मदत लाभेल. त्याच वेळी, व्यावसायिक हे बुद्धिमत्तेचा वापर करून चांगला नफा कमवू शकतील, ज्यामुळे आर्थिक परिस्थिती मजबूत होईल. या राशीचे विद्यार्थी आज आपल्या अभ्यासावर लक्ष केंद्रित करू शकतील. संध्याकाळी तुम्ही कुटुंबातील सदस्यांसोबत धार्मिक कार्यक्रमात सहभागी होऊ शकता.
कन्या रास (Virgo)
आजचा दिवस कन्या राशीच्या लोकांसाठी आनंदाचा असणार आहे. कन्या राशीचे लोक आज आपल्या बोलण्यातून इतरांना प्रभावित करतील आणि त्यांच्या सभोवतालचं वातावरण आनंदी ठेवतील. तसेच आज तुम्ही अनेक अपूर्ण कामं पूर्ण कराल. शनिदेवाच्या कृपेने आज गुंतवणूक करणाऱ्या लोकांना चांगले रिटर्न्स मिळतील आणि त्यांची कोणतीही मालमत्ता किंवा वाहन खरेदी करण्याची इच्छाही पूर्ण होईल. व्यावसायिकांना मोठा नफा कमवण्याची संधी मिळेल. तुमचा तुमच्या शेजाऱ्यांसोबत चांगला वेळ जाईल.
तूळ रास (Libra)
आजचा दिवस तूळ राशीच्या लोकांसाठी चांगला असेल. तूळ राशीचे लोक आज हरवलेल्या वस्तू किंवा पैसे परत मिळाल्याने आनंदी होतील. आज प्रत्येक पावलावर नशीब तुमची साथ देईल, ज्यामुळे तुमची सर्व कामं सहज पूर्ण होतील आणि तुम्हाला सरकारी योजनांचा लाभही मिळेल. जर तुम्ही आरोग्याशी संबंधित समस्यांनी त्रस्त असाल तर आज शनिदेवाच्या कृपेने तुमची तब्येत सुधारेल आणि तुम्हाला उत्साही वाटेल. नोकरी आणि व्यवसाय करणाऱ्यांना आज चांगला नफा मिळेल आणि त्यांच्या करिअरमध्येही प्रगती होईल.
कुंभ रास (Aquarius)
आजचा दिवस कुंभ राशीच्या लोकांसाठी फायदेशीर असणार आहे. कुंभ राशीच्या लोकांना आज एखाद्या मोठ्या व्यक्तीच्या मदतीने अडकलेले पैसे मिळू शकतात आणि तुमची सरकारी कामंही सहज पूर्ण होतील. राजकीय लोकांशी तुमचे संबंध वाढतील. आज तुम्ही तुमची सर्व प्रलंबित कामं पूर्ण कराल. तुम्हाला व्यवसायात चांगला नफा मिळेल, ज्याची तुम्ही खूप दिवसांपासून अपेक्षा करत होता. तुमच्या प्रेम जीवनात तणाव असला तरीही, तुम्ही तुमच्या नात्यात गोडवा कायम ठेवाल.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा :