Astrology : चांगल्या सवयींनी ग्रहांचे दोष करा दूर; ज्योतिष शास्त्रानुसार जाणून घ्या 14 महत्त्वाच्या गोष्टी

Astrology : सात्विक आणि तामसी प्रवृत्ती प्रत्येक व्यक्तीमध्ये असते. आपण आपल्या छोट्या-छोट्या सवयींमधूनही जीवनातील ग्रहांची स्थिती सुधारून त्यांना स्वतःसाठी अनुकूल करू शकतो.

Astrology

Source : ABP WEB TEAM

Astrology : माणूस जन्मापासून आपल्या कार्यपद्धतीनुसार कर्म करत असतो. ज्योतिषाचार्यांच्या मते, मनुष्य नकळतपणे शुभ आणि अशुभ अशा दोन्ही प्रकारची कर्म करतो. सात्विक आणि तामसी प्रवृत्ती प्रत्येक व्यक्तीमध्ये असते. आपण आपल्या छोट्या-छोट्या सवयींमधूनही जीवनातील ग्रहांची स्थिती सुधारून त्यांना स्वतःसाठी अनुकूल करू शकतो. या संदर्भात डॉ. भूषण ज्योतिर्विद यांनी महत्त्वाची माहिती दिली आहे ती जाणून घेऊयात. 

छोट्या सवयींनी ग्रह कसे सुधारावेत?

• जर तुम्ही मंदिर (देव्हारा) स्वच्छ ठेवता, तर देवगुरु बृहस्पति (गुरु) अतिशय शुभ फळ देतात.
• जेवण झाल्यावर आपली उष्टी थाळी किंवा भांडी त्याच जागी सोडून देणे, यशामध्ये अडथळे निर्माण करते.
• उष्टी भांडी उचलून योग्य ठिकाणी ठेवल्यास किंवा ती घासून स्वच्छ केल्यास चंद्र आणि शनि ग्रह ठीक होतात आणि शुभ फळ देतात.
• उशिरापर्यंत जागे राहिल्याने चंद्र शुभ फळ देत नाही, म्हणून वेळेवर झोपावे आणि सकाळी लवकर उठावे.
• बाहेरून कोणीही पाहुणे किंवा व्यक्ती आल्यास त्यांना स्वच्छ पाणी नक्की प्यायला द्यावे, यामुळे राहू ग्रह शांत होतो आणि त्याचे वाईट परिणाम जाणवत नाहीत.
• जर तुम्ही स्वयंपाकघर (किचन) अस्वच्छ ठेवता, तर तुम्हाला मंगळ ग्रहाचे दोष जाणवतील. किचन नेहमी स्वच्छ ठेवल्यास मंगळ ग्रह शुभ होतो.
• सकाळी उठून झाडांना पाणी घातल्याने बुध, सूर्य, शुक्र आणि चंद्र हे चारही ग्रह मजबूत होतात.
• जी लोक पाय घासून चालतात, त्यांचा राहू बिघडतो.
• बाथरूममध्ये कपडे इकडे-तिकडे फेकणे किंवा बाथरूममध्ये पाणी सांडून (अस्ताव्यस्त) बाहेर येण्याने चंद्र चांगले फळ देत नाही.
• बाहेरून आल्यावर आपली चप्पल, बूट आणि मोजे इकडे-तिकडे फेकून दिल्यास शत्रूंचा त्रास वाढतो.
• जर तुमचा बिछाना नेहमी अस्ताव्यस्त असेल, चादरीवर घड्या असतील आणि उशी कुठेही पडलेली असेल, तर राहू आणि शनि शुभ फळ देत नाहीत.
• ओरडून किंवा किंचाळून बोलल्याने शनि ग्रह खराब होतो.
• घरातील मोठ्या माणसांचा आशीर्वाद घेतल्याने सुख-समृद्धी वाढते आणि गुरु ग्रह बलवान होतो.
• अपशब्द बोलणे किंवा शिव्या देण्यामुळे गुरु आणि बुध बिघडतात. जर तुम्हाला शिव्या देण्याची सवय असेल, तर वृद्धकाळात आजारपणामुळे अंथरुणाला खिळून राहण्याची तयारी ठेवा.

डॉ. भूषण ज्योतिर्विद

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)  

हे ही वाचा :