Aries Weekly Horoscope 6 to 12 May 2024 : हिंदू कॅलेंडरनुसार, मे महिन्यातला (May Month) दुसरा आठवडा लवकरच सुरु होणार आहे. हा नवीन आठवडा मेष राशीसाठी नेमका कसा असणार आहे? मेष राशीचं करिअर, शिक्षण, लव्ह लाईफ आणि आरोग्याच्या दृष्टीने नवीन आठवडा मेष राशीसाठी लाभदायी असणार आहे की नाही? हे जाणून घेण्यासाठी मेष राशीचे साप्ताहिक राशीभविष्य (Weekly Horoscope) जाणून घ्या.
मेष राशीचे करिअर (Aries Career Horoscope)
मेष राशीसाठी नवीन आठवडा काहीसा आव्हानात्मक असणार आहे. कामाच्या ठिकाणी तुम्हाला फार सतर्क राहावे लागणार हे. प्रतिस्पर्धी तुमच्यावर नजर ठेवून असतील. तुमच्यातले दोष वरिष्ठांपर्यंत पोहोचविण्याचा प्रयत्न केला जाईल पण तुम्ही संयम ठेवा. कोणाच्याही बोलण्यात स्वत:ची फसवणूक करून घेऊ नका. फसवणुकीला बळी पडू नका.
मेष राशीचे आरोग्य (Aries Health Horoscope)
या आठवड्यात तुम्ही आरोग्याबाबत देखील सतर्क असणं गरजेचं आहे. निष्काळजीपणा केल्यास तुमची तब्येत बिघडू शकते. या काळात तुम्ही दूरचा प्रवास करणं टाळा. कारण वाढत्या उन्हाचा तुम्हाला त्रास होऊ शकतो. यामुळे सतत डोकेदुखी आणि तणावामुळे मायग्रेन सारख्या समस्या उद्भवू शकतात. उन्हाळ्याचे दिवस आहेत जास्तीत जास्त पाण्याचं सेवन करा.
मेष राशीचे आर्थिक जीवन (Aries Wealth Horoscope)
इतर आठवड्यांच्या तुलनेने हा आठवडा तुमच्यासाठी आव्हानात्मकच असणार आहे. यासाठी बाजारात किंवा शेअर मार्केटमध्ये पैसे खूप विचारपूर्वक लावा. या दरम्यान काही प्रोजेक्टस देखील तुमच्या हाती लागू शकतात. त्यामुळे तुमची चिंता थोडीशी मिटेल. कोणालाही पैसे देताना नीट चौकशी करूनच द्या. अन्यथा तुम्हाला मोठा आर्थिक फटका बसू शकतो.
मेष राशीचे लव्ह लाईफ (Aries Love-Relationship Horoscope)
तुमच्या नात्यात सतत दुरावा, वाद-विवाद, छोट-छोट्या गोष्टींवरून खटके उडू शकतात. त्यामुळे वेळीच हे वाद सोडविण्याचा प्रयत्न करा. अन्यथा तुमचे नातेसंबंध बिघडून त्यात दुरावा निर्माण होऊ शकतो. त्यामुळे वेळीच तुमच्या मनाचा मोठेपणा दाखवून तुमचं नातं सामंजस्याने जपा. तसेच, जे तरूण अविवाहित आहेत त्यांना लग्नाचे प्रस्ताव येऊ शकतात.
(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)
हेही वाचा: