Aries Monthly Horoscope March 2023: मेष राशीच्या लोकांना मार्च महिन्यात प्रमोशन मिळण्याची शक्यता, मासिक राशीभविष्य जाणून घ्या

Aries Monthly Horoscope March 2023: मार्च महिन्यात ग्रहांच्या परिवर्तनाचा मेष राशीच्या लोकांवर कसा परिणाम होईल? मासिक राशीभविष्य जाणून घ्या

Aries Monthly Horoscope March 2023 masik rashibhavishya in marathi

Aries Monthly Horoscope March 2023 : मार्च महिना सुरू होणार आहे, जो 12 राशींसाठी खास असणार आहे. मेष राशीच्या लोकांसाठी नऊ ग्रहांची स्थिती कशी असेल? राहू मेष राशीत, मंगळ दुस-या भावात आणि चंद्र तिसर्‍या भावात परिवर्तन करत आहे. सप्तम भावात केतूचे भ्रमण आहे. अकराव्या घरात शनि, सूर्य आणि बुध यांचा त्रिग्रही योग आहे. गुरु आणि शुक्र बाराव्या भावात प्रवेश करत आहेत. मेष राशीच्या लोकांना मार्च महिन्यात प्रमोशन मिळण्याची शक्यता आहे. सर्व प्रथम, 31 मार्च रोजी बाराव्या भावात प्रवेश करत असलेला गुरु ग्रह अस्त करेल. मेष राशीच्या लोकांसाठी ही स्थिती शुभ नाही. आता ग्रहांच्या परिवर्तनाचा मेष राशीच्या लोकांवर कसा परिणाम होईल? मासिक राशीभविष्य जाणून घ्या 

ग्रहांचे मेष राशी परिवर्तन

सर्व प्रथम, 5 मार्च रोजी अस्त अवस्थेत असणाऱ्या शनिचा उदय होईल. शनीचा उदय या राशीसाठी खूप शुभ असेल. कारण मेष राशीच्या लोकांच्या पत्रिकेत शनि हा कर्म आणि उत्पन्नाचा स्वामी आहे. त्यामुळे नोकरी किंवा व्यवसाय करणाऱ्यांसाठी अतिशय फायदेशीर परिस्थिती निर्माण होईल. पुढील परिवर्तन 12 मार्च रोजी होईल. सध्या वृषभ राशीत असलेला मंगळ तृतीय भावात प्रवेश करू लागेल. मेष राशीचा स्वामी मंगळ आहे, त्यामुळे तिसर्‍या भावात परिवर्तन होत असल्यामुळे शुभ फळ देईल आणि बाराव्या भावात असलेला शुक्रही चढत्या भावात गोचर करू लागेल. चढत्या राशीतील शुक्राचे परिवर्तनही चांगले आहे.

मेष राशीचे वैवाहिक आणि प्रेम संबंध कसे असतील?
अविवाहित लोकांसाठी 15 मार्च नंतर काळ चांगला नाही. कारण पंचम घराचा स्वामी शुभ राहणार नाही आणि शनीचीही राशी पाचव्या भावात आहे. विवाहितांसाठी हा महिना चांगला जाणार आहे. शुक्राचे संक्रमण चांगले आहे. शुक्र देखील लग्नाचा कारक आहे. मात्र, येथे केतूचे संक्रमण आधीच सुरू आहे. अशा परिस्थितीत तुम्ही थोडे सावध राहावे. अतिविचार टाळण्यासाठी, ध्यान करणे योग्य ठरेल. चांदीच्या ग्लासात पाणी प्या. महिलांनी चांदीचे पैंजण घालणे शुभ राहील.

मेष राशीच्या लोकांची आरोग्य स्थिती
मेष राशीच्या लोकांनी 16 मार्चनंतर आरोग्याची काळजी घ्या. कारण येथे बुध हे सहाव्या घराचे स्वामी आहेत आणि ते शुभ भावात राहणार नाहीत. जेव्हा बुध शुभ भावात नसेल, तेव्हा पोटाशी संबंधित काही समस्या उद्भवू शकतात. 12 मार्चपर्यंत कोणतेही वाहन जपून चालवा. मंगळाची दृष्टी आठव्या भावात पडत आहे, यामुळे थोडे सावध राहण्याची गरज आहे.

विद्यार्थ्यांसाठी मार्च महिना कसा राहील?
15 मार्चपर्यंत विद्यार्थ्यांसाठी परिस्थिती ठीक राहील. यानंतर, थोडा कठीण काळ दिसू शकतो. परीक्षा चालू असल्यामुळे मन अस्वस्थ राहू शकते. जास्तीत जास्त अभ्यासावर लक्ष केंद्रित करा. 

हे ग्रह परिवर्तन तुमच्यासाठी शुभ नाही
15 मार्च रोजी सूर्याचे भ्रमण होणार आहे. सूर्य अकराव्या भावात आहे परंतु 15 मार्च रोजी तो बाराव्या भावात जाईल. तुमच्या पत्रिकेतील पाचव्या घराचा स्वामी सूर्य आहे, त्यामुळे हे ग्रह परिवर्तन तुमच्यासाठी शुभ नाही. अकराव्या भावात बुध शुभ भावात आहे पण तो 16 मार्चला बाराव्या भावात जाईल.

(टीप : वरील सर्व बाबी एबीपी माझा केवळ माहिती म्हणून वाचक-प्रेक्षकांपर्यंत पोहोचवत आहे. यातून एबीपी माझा कोणताही दावा करत नाही.)

इतर बातम्या