अभिनेत्री टुनिशा शर्माने (Tunisha Sharma) आत्महत्या केल्यानंतर एकच खळबळ उडाली आहे.

आज एका मालिकेचे शूटिंग सुरू असताना सेटवरील मेकअप रूममध्ये गळफास घेऊन टुनिशाने जीवन संपवलं. नायगाव येथील स्टुडिओतील सेटवर ही घटना घडली.

पोलिस या घटनेचा सखोल तपास करत असून अली बाबा मालिकेचा लीड अॅक्टर शिजान खान याला पोलिसांनी चौकशीसाठी बोलावलं आहे.

तुर्तास कलम 306 अंतर्गत आत्महत्या केल्यासंदर्भात गुन्हा दाखल करण्यात आला आहे.

मिळालेल्या माहितीनुसार, टुनिशा शर्माच्या कुटुंबानं अली बाबाचा मुख्य अभिनेता शिजान खानवर आरोप केले आहेत.

टुनिशा आणि शिजानचं अफेयर होतं. काही दिवसांपासून दोघांमध्ये वाद झाल्याची माहिती आहे.

वळीव पोलीस ठाण्यात टुनिषाची आई विनिता शर्मा हिने अलिबाबा या मलिकेतील अभिनेता शिजान खान याच्या विरोधात तक्रार दिली आहे.

आईच्या म्हणण्यानुसार शिजान आणि टुनिषा यांंचं प्रेमसंबंध होते. सध्या शिजानला पोलिसांनी ताब्यात घेतलं आहे.

या पार्श्वभूमीवर पोलिस आता शिजानची चौकशी करणार आहेत. टुनिषा शर्मा हिचा मृतदेह सध्या प्राथमिक तपासासाठी नालासोपारा प्राथमिक आरोग्य केंद्रात घेऊन गेले आहेत.

टुनिषा शर्मा हिचा मृतदेहाची प्राथमिक तपासणी केल्यानंतर तिचा मृतदेह शवविच्छेदनासाठी मुंबईच्या जे.जे. रुग्णालयात घेऊन जाणार आहेत.